Bruno Freiherr von Schrötter

Vun Wikipedia
Zur Navigation springen Zur Suche springen

Johannes Karl Bruno Freiherr von Schrötter (* 17. August 1816 in Marienwerder; † 7. Juni 1888 in Berlin) weer en düütschen Verwaltungsbeamten.

Von Schrötter is 1818 as Söhn von Elisabeth, borene Wedeke (1789–1849), un Ferdinand Freiherr von Schrötter (1785-1863) in Marienwerder boren. Siene Bröder Adelbert (1817-1874) un Eduard (1822-1883) weren jüst as Bruno later ok Landrääd. Von Schrötter hett Juristeree studeert un is 1840 he Auskultater worrn. 1845 is he Gerichtsassesser worrn un weer denn kommissarsch Richter in Oost- un Westprüßen. 1850 is he interimistisch Kreisrichter in’n Kreis Karthaus ween.

He weer denn von 1850 bet 1851 kommissarsch Landraad von’n Kreis Preußisch Stargard un von 1851 bet 1854 toeerst kommissarsch, denn richtigen Landraad von’n Kreis Wittgenstein. 1854 is he in’n einstweiligen Rohstand versett worrn, nadem dat finanzielle Unregelmäßigkeiten geven hett. Von 1855 bet 1856 hett he kommissarsch dat Amt as Landraad von’n Kreis Reichenbach övernahmen un von 1856 bet 1864 weer he toeerst kommissarsch un von 1857 af an ok richtigen Landraad von’n Kreis Goldap. 1864 hett dat wedder Unregelmäßigkeiten geven un he is in’n einstweiligen Rohstand versett worrn. 1866 hett he en Tied as Hülpskraft bi’n Polizeipräsident in Berlin arbeidt. 1873/1874 müss he en poor Maal in’t Fängnis, nadem he en poor hoge Persönlichkeiten beleidigt harr. 1876 hett de Disziplinarhoff em vör de Tied un ahn Pangschoon ut’n Deenst entlaten.

Von Schrötter sien Dochter Elisabeth (26. Dezember 1851–2. November 1937) weer en Sozialaktivistin un Schrieversche.