Bruno Diekmann
Bruno Diekmann (* 19. April 1897 in Kiel; † 11. Januar 1982 ok dor) weer en düütsch Politiker (SPD) un van 1949 bit 1950 Ministerpräsident van dat Land Sleswig-Holsteen.
Leven un Berop[ännern | Bornkood ännern]
Nah en Elektrikerlehre un den Besöök van de Ingenieurschool weer Diekmann as Telefonbau-Ingenieur bit 1933 Angestellter bi de „Deutsche Werke AG“ in Kiel. Nah de Machtövernahm dör de Natschonalsozialisten 1933 keem he tonächst in „Schuulhaft“. Nahdem he ut de Haft entlaaten wurrn weer, hett he as Feernmeldetechniker arbeit. Af 1939 weer he denn Baas van de Feernspreekzentrale van de Marinestatschoon Ost. 1944 wurr he weer in Haft nommen un keem in dat Konzentratschonslager Neuengamme. Van 1951 an weer he Vörstandsliddmaat van de „Deutschen Werke AG“.
Partei[ännern | Bornkood ännern]
Diekmann weer siet 1919 Mitglied Liddmaat van de SPD un hörr den Oortsvörstand in Kiel an. Siet 1948 hörr he den wertschapspolitischen Utschuss van de Gesamtpartei an.
Afordneter[ännern | Bornkood ännern]
Van 1929 bit 1933 weer Diekmann Stadtverordneter in Kiel.
Van 1946 bit to’n 7. Januar 1954 weer Diekmann Landdagsafordneter van Sleswig-Holsteen. Van’n 11. April bit to’n 11. Juni 1946 hett he dor den Utschuss för Wertschap un Verkehr leit. Van’n 10. Oktober 1950 bit to’n 2. Oktober 1953 weer he Fraktschoonsvörsitter van de SPD-Landdagsfraktschoon un Oppositschoonsführer.
Van 1953 bit 1969 weer Diekmann Bundsdagsafordneter. Dor weer he todem van 1953 bit 1957 Vörsitter un van 1965 bit 1969 stellvertreeden Vörsitter van den Utschuss för Post- un Feernmeldewesen.
Apenlich Ämter[ännern | Bornkood ännern]
An‘n 12. Juni 1946 wurr he in dat Kabinett van Theodor Steltzer Minister för Wertschap un Verkehr un bleev dat bit to’n 6. August 1948. An‘n 2. Februar 1948 wurr he ünner Hermann Lüdemann tosätzlich Stellvertreder van den Ministerpräsidenten un hett ok dat Amt van den Minister för Nehren, Landwertschap un Forsten övernommen. Dit Amt hett he ok nah sien Wahl to’n Ministerpräsidenten wieder führt.
An‘n 29. August 1949 wurr he to’n Ministerpräsidenten van dat Land Sleswig-Holsteen wählt. Bi de Landdagswahl 1950 verlor de SPD in Sleswig-Holsteen hör afsolute Mehrheit un keem blots noch up 27,5 % van de Stimmen. Doruphen hett en Koalitschoon ut BHE, CDU, FDP un DP den CDU-Kandidaten Walter Bartram to’n Nahfolger van Diekmann.
Sonstiges[ännern | Bornkood ännern]
Dat Graff van Bruno Diekmann befind sück up den Kieler Süüdkarkhoff.[1]
Weblinks[ännern | Bornkood ännern]
- Bruno Diekmann in dat Landtagsinformatschoonssystem Sleswig-Holsteen
Enkeld Nahwiesen[ännern | Bornkood ännern]
- ↑ Gerd Stolz: Kleiner Führer über den Südfriedhof in der Landeshauptstadt Kiel, Kiel 1996, S. 30 f.
Theodor Steltzer | Hermann Lüdemann | Bruno Diekmann | Walter Bartram | Friedrich Wilhelm Lübke | Kai-Uwe von Hassel | Helmut Lemke | Gerhard Stoltenberg | Uwe Barschel | Henning Schwarz | Björn Engholm | Heide Simonis | Peter Harry Carstensen | Torsten Albig | Daniel Günther