Bruker Diskuschoon:Ile-de-re

Platt heff ick liernt vun Finkwarder bit no 'n Tollenspieker, dwars över Hamborg un toiers in de School. Un mien Schoolmeestersch, Meta Rabe, keem vun Olgamm, man de harr eer egen Platt. Dat weer to een Tied, as vun "de Groote Sass" noch nümst wat heuert het. So bed ich jo all tohoop denn hartlich, mi nich groom to sien, wenn ich de "Platts" een böten dörcheneen schuuv. Ick lood di in, dat 'n Beeten to verbeetern un door segg ich nu all "Scheunen Dank ok!"

Un nu Schriev mi, wenn Du mi wat to seggen hest. Dat schall mi frein. --Ile-de-re 16:31, 13. Nov 2005 (UTC)

De Schrievwies vun Sass is ut dat Johr 1935 un ik glööv, dat is öller as du, oder? ;-) Aver ik denk, dien Platt is noch recht dicht an'n Sass, also keen so groten Opwand. --::Slomox:: >< 16:38, 21. Nov 2005 (UTC)

Hartlich Willkamen

Moin Ile-de-Re,

ik glööv, wi hebbt Di noch gar nich Goden Dag seggt. Dat is fien dat Du dor büst un ik frei mi ok dat mit Di noch en Hamborger mit dorbi is. Hest Du al höört, dat de Noordfresen 'n Gesetz dörchkriegt hebbt, dat em dat Recht op tweesprakige Schiller gifft? Jedeen Dag wenn ik vun de Arbeit trüchkumm un in Stellingen vun de Autobahn rünnerfohr, denk ik mi, 'n Oortsschild

Hamburg
Hamborg

weer doch fien. Wat denkst Du? Gifft dat noch mehr Lüüd, de dat vun de Politik fordern wullt?

hartlich Gröten,

HeikoEvermann 20:45, 19. Nov 2005 (UTC)

Oortsschiller

Moin Ile-de-Re, dat gifft noch keen List to'n Ünnerschrieven. Dat is bloots so 'n Idee vun mi, de ik al 'n poor Maand mit mi rümdragen dei. Ik harr de al as ik höört harr, dat dat in de Lausitz so wat ok ok Soorbsch gifft. Man villicht weer dat 'n gode Idee, so wat mal antofangen. An'n Sünnabend draap ik de Webmastersch vun marless.de. Villicht hett de ja ok Lust dorto. Ik weet bloots nich, woans man so wat apentlich maakt. So 'n groot Saak hebb ik noch nienich maakt.

Wat dat Schrieven angeiht, versöök ich dicht an'n Sass to blieven. Dat gifft dor bloots een Saak, de mi op den Senkel geiht, dat sünd de Fremdwöör. Ik finn t.B. Natur schrifft sik as "Natuur". Dat eentonige a/o schriff ik as "a", sünst kann een ja nich sehn, wat dat "o" oder "ou" is. Un dat lange a is eben jümmers dat Middelding twischen a und o so as op Skandinaavsch å.

Hartlich Gröten, HeikoEvermann 12:48, 21. Nov 2005 (UTC)