Bruker Diskuschoon:Hannes1953

Willkamen

Moin un willkamen op de plattdüütsche Wikipedia. Wi freit uns, dat du helpen wullt, unse lütte Wikipedia noch beter to maken. Eerste Infos för Ne’e gifft dat ünner Wikipedia:Infos för Ne’e. Wenn du noch nich in annere Wikis mitschreven hest, denn kannst du ünner Wikipedia:Inwiesung nalesen, wie dat allens hier geiht. Bi Fragen oder Problemen kannst di geern an annere Brukers wennen. Dat geiht to’n Bispeel ünner Wikipedia:Ik bruuk Hülp.

Un wenn du ans nich veel Plattdüütsch schriffst, wees nich bang, dat dien schreven Platt to slecht is. Nüms warrt di en Been utreten. Man jümmer driest to!

Mit allerbeste Gröten,
Bruker:Moin!

-- Moin! ✍ 16:28, 2. Apr. 2012 (CEST)

Annemarie Jensen

Du schriffst bi Annemarie Jensen: Löschen is Wunsch vun Fru Annemarie Jensen

Dat is schaad, dat Fro Jensen keen Artikel op Wikipedia hebben mag. Aver dor köönt wi uns nich na richten. Op de plattdüütsche Wikipedia is dat Usus, dat all Lüüd, de Böker op Plattdüütsch schreven hebbt, för uns Nakieksel "relevant" sünd. De Plattdüütsche Biblio- un Biografie hett Artikels to all düsse Lüüd un wi doot dat jüstso. Du hest den Artikel 2012 schreven. Wenn di dat wichtig is, denn köönt wi dien Text löschen. Aver ok wenn wi em löschen doot, kriggt Annemarie Jensen wedder en ne’en Artikel mit en annern Text. Ganz weg geiht nich. --::Slomox:: >< 09:23, 24. Feb. 2015 (CET)

Moin, moin, ik kann dor nix an ännern, allens wat hier insteiht much Fru Jensen streken hebben. Deit mi leed.

Un wat is de Grund? Stimmt dat nich, wat dor schreven steiht? Ik help geern, wenn dor wat to verbetern is an'n Artikel. Aver "Ik will dat nich" reckt nich. As plattdüütsch Nakieksel schrievt wi Artikels över all Lüüd, de Böker op Plattdüütsch rutbröcht hebbt. Dor höört Fro Jensen mit bi. --::Slomox:: >< 07:12, 26. Feb. 2015 (CET)

Ik heff en Opfordern vun ehr kregen bet Sünndag dat verswinnen to laten. Nu man to un löschen se dat, wat ik schreben heff. Danke

En Grund hett se nich seggt? As Schrieversche is se en Person vun’t apentliche Leven. Also heet egentlich jeedeen dat Recht sik över ehr klook to lesen. Un dorbi steiht in den Artikel noch nich mol groot wat över’t Privatleven binnen. Allns, wat in’n Artikel steiht, kann ok ut annere Borns leest warrn un steiht dormit al so apentlich för jeedeen praat. Intressanterwies von Fro Jensen sülvst schreven… Dor steiht wöörtlich to lesen: „Dörch disse Internetsiet wüll ik, Annemarie Jensen ut Flensburg, geern Frünnen vun de plattdüütsche Spraak mitenanner bekannt maken, dat wi unse Spraak tosamen geneten un plegen könen.“ Und denn will se nich, dat in dat plattdüütsche Wiki en Artikel över ehr steiht? Woans geiht dat tosamen? --Iwoelbern ✍ 11:37, 26. Feb. 2015 (CET)

Se will dat nich, Se will nich int Wikipedia stahn. Ik heff dat blots insett, wieldat en Fründ vun ehr dat to'n Burtsdag schenken wull, blots dat weet se nich un de, de is nu in'e Karibik för en Weltumsegeln mit Boot. Sodennig will ik mi nu nix inhanneln, dorto mut dat allens rut.

Bi den Mensing war ik noch wat ännern un ok noch Biller dortosetten vun de Original-Hefte und dat Original-Book twee.

Ik lösch den Artikel nu. Un denn schriev ik wedder en ne’en Artikel. Denn büst du dor rut un Fro Jensen mutt mi opfeddern, wenn ehr dat nich passt. Dor warrt Fro Jensen nich mit tofreden, aver dor kann ik nix an ännern. --::Slomox:: >< 12:07, 26. Feb. 2015 (CET)

Denn op ehr Internet-Siet gahn un nalesen. Se süht sik nich as Schrieversch, se will mit de Lüüd snacken. Ehr letzten Kolumnen sünd ok in ehr letztes Book opföhrt. Dat mut noch dorto un 2013 hett se vun dat ZFN-Leck dat grote "P" kregen för de Arbeit vun de Düütsch-Amerikanische Plattdüütsch Konferenzen un ehr Kolumnen.