Bremen-Noord

Vun Wikipedia
(wiederwiest vun Bremen-Nord)
Zur Navigation springen Zur Suche springen
Rebeed von Bremen in’n Noorden von de Lesum
De Bremer Stadtbezirk Noord

Mit Bremen-Noord warrt dat Rebeed von de Stadt Bremen betekent, dat in’n Noorden von de Lesum liggt. Dat sünd de Stadtdelen Blomendal, Vesack un Delen von Borglesum (de Oortsdelen St. Magnus, Lesum un Borgdamm). To’n polietschen Stadtbezirk Bremen-Noord höört de kumplette Stadtdeel Borglesum, ofschoonst de deelwies in’n Süden von de Lesum liggt. De Stadtbezirk hett 98.606 Inwahners (Stand 31. Dezember 2008) op en Rebeed von 60,376 km².

De Utdruck Bremen-Noord is eert na 1939 opkamen. Vör de Veerte Verordnung över den Neeopbo von dat Riek von 1939 weren de Stadt Blomendal un de Gemenen Lesum, Grohn, Schönebeck, Aumund, Farge un Rekum noch Deel von de prüüßsche Provinz Hannover un Vesack hett binnen dat Land Bremen en egenstännige Stadt billt. Ok vondaag hett sik bi de Lüüd ut Bremen-Noord noch en beten Geföhl von Sülvstännigkeit hollen, vonwegen dat de Binnenstadt Bremen doch temlich wied weg.