Boris Wladimirowitsch Morukow
Boris Wladimirowitsch Morukow (russisch: Борис Владимирович Моруков, wetenschaplich Transliteratschoon Boris Vladimirovič Morukov; * 1. Oktober 1950 in Moskau, Russische SFSR; † 1. Januar 2015[1]) weer en russisch Kosmonaut.
Utbillen[ännern | Bornkood ännern]
Boris Morukow hett dat Staatliche 2. Moskauer Medizinische Institut „Nikolai I. Pigorow“ in Moskau besöcht, dat he mit en Diplom in Medizin 1973 afslooten hett. Dornah weer he af 1978 an dat Institut för Biomedizinische Probleme up de Rebeeden vun de Weltruum-, Marine- un Luftfohrtmedizin tätig un hett dorin 1979 sien Doktertitel in Medizin maakt.
Morukow hett as Weltruumdokter Wiederbillen in Kardiologie, Gastroenterologie, Otolaryngologie, Stomatologie, Ophthalmologie un Hart-Lungen-Wedderbeleeven tüschen 1989 un 1991 afslooten.
1995 hett Morukow Fortgeschrittenenkurse in Notfallmedizin un 1996 hett he sien Utbillen mit Kursen in Endokrinologie un Hämatologie kumplett maakt.
Morukow weer verheiraadt un harr twee Kinner.
Ruumfohrertätigkeit[ännern | Bornkood ännern]
Van Oktober 1990 bit Februar 1992 kreeg Morukow sien Kosmonautengrundutbillen in dat Juri-Gagarin-Kosmonautentrainingszentrum un van August 1998 bit Januar 1999 en Floogdokterutbillen an dat Johnson Space Center.
Morukow is mit dat Space-Shuttle Atlantis STS-106 as Borddokter to de Internationalen Raumstation (ISS). Kommandant bi disse Mission weer Terrence Wade Wilcutt und de Pilot Scott Douglas Altman. Anner Besattensliddmaaten weern Daniel Christopher Burbank, Edward Tsang Lu, Juri Malentschenko un Richard Alan Mastracchio.
Hööftupgaven weern de Transport vun Versörgungsgöder, dat Vörbereiten vun de Statschoon up de Ankunft vun de 1. Stammbesetten un Montagearbeiten buterhalv vun de Statschoon. De Mission düer van’ 8. bis 20. September 2000 (11 Daag, 19 Stünn un 12 Minüüt).
Siet dat Johr 2009 weer he Baas vun dat Marsfloog-Simulatschons-Projekt Mars 500.[2]
Weblenken[ännern | Bornkood ännern]
- spacefacts.de: Körtbiografie bi spacefacts
- kursknet.ru: Körtbiografie (engelsch/russisch)
- NASA: Biografie (engelsch)