Bobby Paunetto
Bobby „Vince“ Paunetto (* 1944; † 10. August 2010) weer en US-amerikaansch Vibraphonist un Komponist vun den Latin Jazz.
Bobby “Vince” Paunetto is in New York City upwussen un fung ünner den Indruck vun de Musik vun Cal Tjader an, Latin Music to spelen. 1964 kreeg he en Plattenverdrag bi Seeco Records, för sien Debütalbum El Sonido Moderno entstunn. Af 1969 studeer he an dat Berklee College of Music, u. a. bi Gary Burton. Nah sien Graduierung 1973 nehm he en tweet Album (Paunetto’s Point) up, för dat he ok eegen Kompositschonen schreev un Rhythmen vun’n Jazz ut sien Tiet un de kubaansche Musik kombineeren dee. Musikers, de mitwarkt hebbt, weern: Tom Harrell, Ronnie Cuber, Andy González, Manny Oquendo un Jerry Gonzalez. 1976 wurr för dat Album för en Grammy nomineert. Nah en wieter Album Commit to Memory (1976) wurr bi in dat folgend Johr Multiple Sklerose faststellt. Eerst in de 1990er Johren fung he weer an, uptonehmen, as he noch twee Alben (Commit To Memory Band - Composer in Public un Reconstituted) verapenlicht hett.