Blauflunkengoos

Blauflunkengoos; Blauflögelgoos

Ünnerstamm:	Warveldeerten (Vertebrata)
Klass:	Vagels (Aves)
Ornen:	Gösevagels (Anseriformes)
Familie:	Aantenvagels (Anatidae)
Ünnerfamilie:	Halfgöse (Tadorninae)
Tribus:	Echte Halfgöse (Tadornini)
Geslecht:	Blauflunkengöse (Cyanochen)
Oort:	Blauflunkengoos

Wetenschoplich Naam

Cyanochen cyanoptera

Rüppell, 1845

De Blauflunkengoos oder Blauflögelgoos (Cyanochen cyanoptera) is en Vagel ut de Familie vun de Aantenvagels. Dor warrt se to de Unnerfamilie vun de Halfgöse torekent. De wetenschoppliche Naam is to’n eersten Mol 1845 dör Rüppell bekannt maakt wurrn.

Kennteken

Beide Geslechter hefft en bruun-griese Farv. De groten Feddern an de Flunken sünd blau. Föte, Been un Snavel sünd swatt. Dat Lief kann bi de Ganners 60 cm, bi de Göse bit 55 cm lang weern.

Wie se sik vermehrt

De Goos leggt 4 bit 7 Eier un brott dor um un bi 32 Dage up.

Vörkamen

De Goos kummt in Freeheit man bloß in Äthiopien vor. Dor is se endeemsch un levt in dat Hoochland vun Äthiopien up 2.500 - 4.000 m Hööchde. Up de Rode List vun den IUCN steiht de Aart unner den Status “hett al wat afkregen“. Dat warrt annahmen, datt dat bi 5.000 bit 15.000 vun düsse Göse gift.

Kiek ok bi

List vun Vagels

Literatur

De grote dierenencyclopedie, (1993) Zuidnederlandse Uitgeverij N.V., Aartselaar, België. ISBN 90-243-5204-5.

Weblenken

Blauflunkengoos. Mehr Biller, Videos oder Audiodateien to’t Thema gifft dat bi Wikimedia Commons.