Blackadore Caye

Vun Wikipedia
Zur Navigation springen Zur Suche springen

Blackadore Caye is en unbewahnt Caye in de Bucht von Chetumal. Dat höört to’n Distrikt Belize von dat Land Belize.

Dat Eiland liggt knapp acht Kilometer vör Ambergris Caye un ölven Kilometer vör de Küst von’n fasten Wall. Dat liggt in dat Rebeed von dat Belize Barrier Reef.

Blackadore Caye is von Noordnoordoost na Süüdsüüdwest 3,5 Kilometer lang, aver blots maximaal 190 Meter breed. De Grött liggt bi üm un bi 40 Hektar.

Historie[ännern | Bornkood ännern]

Dat Eiland dükert op Seekoorten ut dat 17. Johrhunnert toeerst as Cayo Sumba op un heet op Spaansch ok vondaag noch so. De öllsten Funnen, de op Minschen in düt Rebeed henwiest, sünd Buddelboddens, de op dat Eiland funnen worrn sünd un op üm un bi 1650 dateert warrt.

2004 hett Leonardo DiCaprio op Cayo Espanto Urlaub maakt un dorbi ok Blackadore Caye kennenlehrt. 2005 hett DiCaprio tohoop mit Jeff Gram, Egendömer von Cayo Espanto, Blackadore Caye för 1,75 Milljonen US-Dollar köfft. De beiden harrn Plaans, dor tohoop mit Four Seasons en Öko-Resort antoleggen. Dat Resort schall Stand 2019 in dat Johr 2020 apenmaken.


Koordinaten:18° 2′ N, 88° 1′ W