Bernd Wölbern
Bernd Wölbern (* 1966 in Zeven) is en düütsch Politiker (SPD). Siet 2021 is he Liddmaat vun den Landdag vun Neddersassen.
Bernd Wölbern is mit twee Bröers, dorünner de Schauspeler Werner Wölbern, in Woonst bi Bremervöör upwussen[1] un hett Scholen in Lütt Meckels, Zittens un Zeven besöcht. He hett in Kaiserslautern un Bremen studeert.[2] He weer bit to’n Intoog in den Landdag Lehrer an de Carl-Friedrich-Gauß-School Zeven, en IGS. [3]
Wölbern is Liddmaat vun den Kreisdag un Bigeorneter vun den Landkreis Rodenborg (Wümm). Bi den Landdagswahlen 2008, 2013 un 2017 is he vör de SPD in den Wahlkreis Bremervöör antreeden, weer aber immer den jewieligen CDU-Kandidaten ünnerlegen. An‘n 11. November 2021 is he aber över de Landeslist för Bernd Lynack in den Landdag nahrückt, de to’n Landraat vun den Landkreis Hillmessen wählt wurrn weer. [4]
Bernd Wölbern leevt in Woonst, is verheiraadt un hett fiev Kinner. [2]
Enkeld Nahwiesen
[ännern | Bornkood ännern]- ↑ Schauspieler Werner Wölbern: „Verbindung wird nie abreißen“. In: kreiszeitung.de. Kreiszeitung Verlagsgesellschaft, 7. Mai 2017, afropen an’n 10. November 2021.
- ↑ a b Bernd Wölbern, Landtagsabgeordneter. SPD-Unterbezirk Rotenburg, afropen an’n 10. November 2021.
- ↑ Abschiede und neue Jobs im Rotenburger Kreistag. In: kreiszeitung.de. Kreiszeitung Verlagsgesellschaft, 29. September 2021, afropen an’n 10. November 2021.
- ↑ Ersatzpersonen (Nachrücker). Die Präsidentin des Niedersächsischen Landtages, afropen an’n 9. November 2021.