Bergschlösschen AG

Vun Wikipedia
Zur Navigation springen Zur Suche springen

De Bergschlösschen AG weer en Broeree in Stood.

Dat Ünnernehmen is 1890 grünnt worrn un harr en Grundkaptaal von 400.000 Mark.[1] Von dat Kaptaal kemen 70.000 Mark von’n Fabrikant W. C. F. J. G. Busch, den Koopmann Robert Wiener, den Koopmann Robert Brumm (all dree ut Hamborg) un den Koopmann S. Hartogs in London. 120.000 Mark hett de Hambörger Boünnernehmer Zschernitz övernahmen. Zschernitz weer dat ok, de 1889 de Villa an de Bremervörer Schossee mit Buurhuus, Schüün un 8 Morgen Land köfft hett, op de denn de Broeree boot worrn is.

Baas von de Broeree is 1891 de Bromeester Gotthold Müller worrn. Nadem de Anlagen trech weren, kunn Anfang März 1892 anfungen warrn, Beer to broen. Verköfft worrn is dat eerste Beer in’n Mai 1892. De twee Beersoorten, de in de eerste Tied broot worrn sünd, weren Bergschloß-Bräu un Doppel-Kronen-Bräu.

As de Broeree in’n Eersten Weltkrieg nich mehr noog Gassen todeelt kregen hett, hebbt se anfungen, ok Marmelaad un annere Saken in de Fabrik hertostellen, üm ehr uttolasten. Dat güng bet 1920, as se dit Geschäft wedder opgeven müssen. Nu weer de Zucker ratschoneert.

1921 is dat Vermögen von de Broeree an de Bavaria-Broeree AG ut Altno verköfft un de Sellschop oplööst worrn. Op dat Gelänn von de Broeree weren denn de NOGA-Warken un siet 2001 de Seniorenresidenz Katharinenhoff.

Dat Pörtnerhuus, dat 1898 boot worrn is, is dat eenzige Gebüüd von de Broeree, dat nableven is. Dat is vondaag as Denkmaal schuult.

Footnoten[ännern | Bornkood ännern]

  1. http://www.archaeologie-stade.de/geschichtsspuren/stader-bier/


Koordinaten:53° 36′ N, 9° 27′ O