Benjamin Vaughan (Bischop)
Benjamin Noel Young Vaughan (* 25. Dezember 1917 in Newport; † 5. August 2003) weer en brietschen anglikaanschen Bischop.
Vaughan is 1917 as Söhn von en Alderman ut Newport in Wales boren.[1] He hett toeerst op dat St David’s University College in Lampeter Theologie studeert un denn later an dat College St Edmund Hall von de Universität Oxford un Westcott House an de Universität Cambridge.[1] 1943 is he to’n Preester wieht worrn un weer Preester in Llannon un denn dree Johr in Carmarthen.[1] 1948 is he na dat Codrington College op Barbados gahn, üm dor Ünnerricht in Theologie to geven.[1] Von dor is he 1952 an dat St David’s University College trügg un hett dor Theologie ünnerricht.[1] Dat is bet 1955 so bleven, as he as Rekter an de Holy Trinity Cathedral in Port of Spain (Trinidad un Tobago) gahn is.[1] Dor weer he bet 1961 un weer gliektiedig ok Dekaan von Trinidad.[1]
Von 1961 bet 1967 weer he Suffragaanbischop in Mandeville op Jamaika un von 1967 bet 1971 Bischop von dat Bisdom Brietsch-Honduras.[1] In dat Johr 1971 is he na Wales trügggahn un weer denn Dekaan von Bangor un Assistenzbischop in dat Bisdom Bangor ünner Arzbischop Gwilym Williams.[1] 1976 is Vaughan as Bischop in dat Bisdom Swansea un Brecon wählt worrn.[1] Düt Amt harr he bet he 1987 in Rohstand gahn is.[1]
Vaughan hett 1945 Nesta Lewis († 1980) freet un 1987 in twete Eh Magdalene Reynolds.[1] He harr kene Kinner.[1]
Warken[ännern | Bornkood ännern]
- Structures for Renewal. 1967
- Wealth, Peace and Godliness. 1968
- The Expectations of the Poor. 1972