Benedikt Abelzhauser

Benedikt Abelzhauser (* 10. Mai 1635 in München; † 30. April 1717) weer en Benediktinermönk un Gelehrten. Von 1687 bet to sien Dood weer he Abt von dat Klooster Seitenstetten.

Abelzhauser (Dööpnaam: Leopold) hett 1654 dat Jesuitengymnasium München (vondaag Wilhelmsgymnasium München) afslaten.^[1] Nadem he in dat Klooster intreden is, is he dor Huusperfesser för Philosophie worrn. Later hett he an de Universität Salzburg Theologie studeert un dor sien Dokter maakt. Na dat Studium hett he de Professur för Hermeneutik un Polemik övernahmen. 1669 bet 1670 weer he Deken von de theoloogsche Fakultät.^[2] In Salzburg weer he ok Regens in dat arzbischöpliche Preesterseminar.

1687 hett he Salzburg verlaten, nadem he Abt von Stift Seitenstetten worrn is. Von Jakob Prandtauer hett he de Wallfohrtskark to de Hilligste Dreefaltigkeit un St. Michael op’n Sonntagberg boon laten.

Literatur

Clemens von Baader: Das gelehrte Baiern oder Lexikon aller Schriftsteller, welche Baiern im achtzehnten Jahrhunderte erzeugte oder ernährte. Nürnberg, Sulzbach, 1804

Footnoten

↑ Leitschuh, Max: Die Matrikeln der Oberklassen des Wilhelmsgymnasiums in München, 4 Bde., München 1970-1976; Bd. 1, S. 119
↑ Verzeichnis der theologischen Dekane in Salzburg

[1] Leitschuh, Max: Die Matrikeln der Oberklassen des Wilhelmsgymnasiums in München, 4 Bde., München 1970-1976; Bd. 1, S. 119

[2] Verzeichnis der theologischen Dekane in Salzburg

[1]

[2]