Baruj Benacerraf

Vun Wikipedia
Baruj Benacerraf (1969)

Baruj Benacerraf (* 29. Oktober 1920 in Caracas, Venezuela; † 2. August 2011 in Boston, Massachusetts) weer en US-amerikaansch Mediziner vun venezoelaansch Herkunft, de sück meestens mit Immunologie un Transplantatschoonsmedizin befaat hett. 1980 kreeg he den Nobelpries för Physiologie oder Medizin gemeensam mit George Davis Snell un Jean Dausset för dat „Opdecken vun genetisch bestimmt zellulär Böverflachenstrukturen, vun de immunologische Reaktschonen stüert weern.“

Leven[ännern | Bornkood ännern]

Baruj Benacerraf wurr 1920 as Söhn jöödschr, ut Noordafrika stammend Öllern (sien Vader wurr in Spaansch-Marokko un sien Moder in Algerien boren) in Caracas in Venezuela boren, hett aber sien Kindheit un Jöögd van 1925 bit 1939 in Paris verbrocht un hett dor ok dat Lycée Janson besöcht. Sien Vader weer en wohlhabender Teppichhannelsmann. Sien Bröer is de Philosoph Paul Benacerraf.

De Familie truck 1939 nah New York City, wo Benacerraf bit 1942 an de Columbia University Medizin studeeren dee. Dat wiedere Studium hett he dann bit 1945 an dat Medical College of Virginia in Richmond makt, nahdem he 1943 US-amerikaansch Staatsbürger wurrn weer. 1945 hett he denn sien’ Doktertitel makt un wurr denn eerst Assistenzarzt an dat New Yorker Queens-Hospital, later in dat Militärkrankenhuus in Nancy in Frankriek. Nah de Militärtiet fung he mit sien Forschungsarbeiten in de mikrobiologisch Fakultät vun de Columbia University an.

1956 wurr Benacerraf to’n außerordentlichen Perfesser för Vergliekende Pathologie an de New York University beropen. 1960 wurr disse Stäe in en ordentliche Professur umwannelt. Van 1970 bit to sien Ruhstand harr he dissen Lehrstohl an de Harvard-Universität in Boston inne, wo he den ok an’ 2. August 2011 storven is.

Baruj Benacerraf weer mit Annette Benacerraf († 2011), en Nichte vun den Biologen Jacques Monod, verheiraadt. De eenzig Dochter vun dat Paar, Beryl Rica Benacerraf, is Perfessersche an de medizinischen Fakultät vun de Harvard-Universität.

Wark[ännern | Bornkood ännern]

Baruj Benacerraf un sien beid mit hüm uttekent Kollegen hebbt sück maatgevend mit de immunologisch Verdragen vun Geweev nah Transplantatschonen befaat. Benacerraf, Snell un Dausset kunnen in hör Experimenten nahwiesen, dat disse Immunfaktoren genetisch fixeert sünd. Se kunnen nahwiesen, dat sück ok up de witt Bloodkörper (Leukozyten) de glieker Faktoren finnen laaten, as up anner Körperzellen.

Dör dit Immunfaktorensystem, dat ähnlich as de Bloodgruppensystemen funktschoneert, is dat hüüd experimentell mögelk, disse Faktoren in’ Vörfeld vun en Transplantaschoon to ünnersöeken un potentielle Geweevkompatibilität (oder Abwehrreaktschonen dör Inkompatibilität) dör Tests mit Patientenblood vörhertoseggen.

Benacerraf un Dausset hebbt sück parallel an de Upklären vun biocheemsch Slötelmoleküle in dissen Histokompatibilitätskomplex befaat, wiels Snell as Genetiker vör allen de Gene utfunnen hett, de för de Upnahm un Afstööten vun körperfrömd Geweev tostännig sünd.

Literatur[ännern | Bornkood ännern]

Weblinks[ännern | Bornkood ännern]