Barrie Lee Hall junior

Vun Wikipedia

Barrie Lee Hall junior (* 30. Juni 1949 in Mansfield, Louisiana; † 25. Januar 2011 in Houston, Texas) weer en US-amerikaanisch Jazztrompeter, Arrangeur un Orchesterleiter, de dör sien Mitwarken in dat laat Duke Ellington Orchestra bekannt wurr.

Leven un Wark[ännern | Bornkood ännern]

Barrie Lee Hall hett de Highschool in Houston un Mansfield besöcht, wo he in Schoolbands speel. Dornah studeer he an de Texas Southern University in Houston Trompet un Piano. 1973 is he up en Festival up Duke Ellington drapen, de hüm in sien Orchester halt hett. Nah de Dood vun Ellington weer he Solist in de Ghost Band ünner de Leitung vun Mercer Ellington wark an en Reeg vun Alben mit, as an dat mit en Grammy uttekent Digital Duke. Hall weer Co-Produzent vun dat Album Music Is My Mistress (1989).

Nah Mercer Ellingtons Dood 1996 hett he för een Johr dat Duke Ellington Orchestra leit. Dornah weer he blots noch af un to stellvertredend för Paul Mercer Ellington in disse Rull tätig. Ansonsten weer he musikalischer Baas vun de Liberty Baptist Church in Houston. Dör sien Nähe to tietgenössisch un traditschonell Gospelmusik wark he ok bi de Upführung vun Ellingtons Sacred Concert mit; 2001 hett he disse Upführung tosommen mit dat Duke Ellington Orchestra un en Chor vun 200 Mann leit. Dorneben hett Hall as Bigband-Leader in de Swiez arbeit, orchestreer un arrangeer för verscheeden Broadway-Upführungen as Sophisticated Ladies, de Jazz-Oper Queenie Pie un de Feernsehproduktschoon The Duke Ellington Special, bi de he en Trompet/Gesang-Duett in Creole Love Call mit de Opernsingerinn Kathleen Battle harr. He arrangeer buterdem en sinfonische Version vun disse Ellington-Klassiker, weer Arrangeur un Gastsolist mit dat Däänsch Radio-Bigband, as ok mit John Dankworth, UMO & dat Finnisch Radio-Orchester.

Diskographisch Henwiesen[ännern | Bornkood ännern]

Upnahmen ünner eegen Naam

  • Duke Ellington Small Band (2006)

Upnahmen as Solist un Arrangeur

  • Duke Ellington: Duke Ellington’s Third Sacred Concert
  • Mercer Ellington: Continuum, Take The Holiday Train, Hot And Bothered, Digital Duke,

Weblenken[ännern | Bornkood ännern]