Bak Seong-cheol

Vun Wikipedia

Bak Seong-cheol (koreaansch 박성철; * 2. September 1913 in Gyeongju; † 28. Oktober 2008) weer en noordkoreaanschen Politiker.

Bak studierte hett in de Tied as de Japaners Korea besett harrn, in Japan studeert. Na’t Enn vun’n Tweten Weltkrieg is he in Japan Maat vun de Kommunistsche Partei worrn, is denn aver 1946 na Korea trüch. In’n Koreakrieg weer he Kummandant vun de 15. Division vun de Koreaansche Volksarmee un harr den Rang vun en Generalleutnant.

1954 is Bak Baadschopper vun Noordkorea in Bulgarien worrn. 1956 hett he dat Leid över dat butenpolietsche AFdeel vun’t Zentralkomitee vun de Arbeidspartei vun Korea övernahmen. In’n November 1956 is he Viez-Vörsitter vun’n Ministerraat un Viez-Butenminister worrn. 1959 bet 1971 weer he denn Butenminister vun Noordkorea un vun September 1961 af an in’t Zentralkomitee vun de Arbeidspartei un siet 1964 ok bi’t Politbüro.

1972 is Bak Maat vun dat Zentrale Volkskomitee worrn. Vun 1976 bet 1977 weer he Vörsitter vun’n Ministerraat un is 1977 offiziell Viez vun Staatspräsident Kim Il-sung worrn. Dit Amt harr he bet 1997. He weer bet toletzt Maat un Ehrenviezpräsident vun’n Böversten Volkskongress vun Noordkorea.

Bak is 2008 na lange Krankheit mit 95 Johr doodbleven.