August Wilhelm Carl Georg Ribbentrop (1767–1838)
August Wilhelm Carl Georg Ribbentrop (* 27. Oktober 1767 in Marjendaal; † 25. Dezember 1838 in Göttingen) weer en düütschen Verwaltungsbeamten.
Ribbentrop is 1767 as Söhn von Sophie, borene von Unger, un Philipp Christian Ribbentrop in Marjendaal boren.[1] He hett an de Universitäten Bruunswiek un Helmstidde Juristeree studeert un is na sien Studium toeerst Avkaat in Bruunswiek un denn in Stood worrn.[1] An’n 21. April 1796 hett he in Helmstidde sien Dr. jur. maakt.[1] 1797 is he in’n bruunswiek-lümbörgschen Staatsdeenst gahn un an’n 20. Februar Richter von dat Gericht Leh worrn.[1] Dat is he bet Mai 1809 bleven.[1] He güng denn as Landsyndikus un Mitsubdelegeerten na de Regerung in Stood.[1] Noch in dat sülve Johr is he Oberbargmeester von de Carlshütte in Dellessen worrn.[1] Bi sien Dood weer Ribbentrop Direkter von de Stüürdirekschoon in Göttingen un harr den Titel von en Hoffraad.[1]
Ribbentrop hett an’n 14. März 1797 in Leh Sophie Julie Eleonore Evert freet.[1] De beiden harrn ünner annern de Söhns Georg Julius (2. Mai 1798–13. April 1874) un August Wilhelm Carl Georg Ribbentrop (1803–23. Mai 1878).