Atlay Morales

Vun Wikipedia
(wiederwiest vun Atlay Digby Morales)
Zur Navigation springen Zur Suche springen

Atlay Digby Morales († 2013) weer en Diplomaat ut Belize.

Morales is in Brietsch-Honduras (nu Belize) boren un weer toeerst in’n diplomaatschen Deenst von Grootbritannien. He weer an’t Enn von de Johren 1970 Viezkunsel un toletzt Attaché in dat Brietsche Kunselaat in Mexiko-Stadt. Nadem Belize 1983 unafhängig worrn is, is he in’n diplomaatschen Deenst von Belize wesselt.

Morales is an’n 1. November 1987 Geschäftsdreger von de nee grünnte Baadschop von Belize in Mexiko mit Seet in Mexiko-Stadt worrn un hett de Baadschop denn as richtigen Baadschopper övernahmen. Tosätzlich weer he ok as Baadschopper in Venezuela akkrediteert. Dat is he bet 1993 bleven, as Assad Shoman düt Amt för korte Tied övernahmen hett.

Morales is as Baadschopper na Guatemala versett worrn, wat he aver nich lang bleven is.

2002 weer he City Commissioner in Belmopan.

Bet to sien Dood 2013 weer Morales Honorarkunsel för de Dominikaansche Republik in Belmopan.

Ehren[ännern | Bornkood ännern]

Morales is to Königin Elisabeth II. ehren Geboortsdag 1979 Member of the Order of the British Empire worrn un to Neejohr 2004 Officer of the Order of the British Empire.[1]

Footnoten[ännern | Bornkood ännern]

  1. Supplement No. 9, The London Gazette an’n 31. December 2003