Arthur Charles Gossard
Arthur Charles Gossard (* 18. Juni 1935 in Ottawa (Illinois); † 26. Juni 2022 in Santa Barbara, Kalifornien[1]) weer en US-amerikaansch Fastkörperphysiker.
Gossard hett an de Harvard University (Bachelor 1956) studeert un 1960 an de University of California, Berkeley sien Dokter maakt. Dornah weer he van 1960 bit 1987 an den Bell Laboratories (toletzt as Distinguished Member of Technical Staff), wo he mit Horst Ludwig Störmer un Daniel Chee Tsui (de dorför den Nobelpries kreegen) 1981 den brakentahligen Quanten-Hall-Effekt (FQHE) opdeckt hett. Siet 1987 is he Perfesser för Elektrotechnik, Materialwetenschapen un Informatik an de University of California, Santa Barbara. Siet 2015 is he Professor Emeritus and Research Professor.
Gossard befaat sück ünner annern mit Molekularstrahl-Epitaxie, Wassdom van Quantum Wells, Supergittern, magnetisch Halfleiter un tosommensett (Metall/Halfleiter) Nanomaterialien. He is Mitopdecker van den „beschränkten Quanten-Stark-Effekts“ (quantum confined Stark Effect, QCSE).
1962/63 weer he an dat Karnforschungszentrum in Saclay un 1996 weer he as Humboldt Fellow an de Universität Erlangen.
1984 kreeg he mit Tsui un Störmer den Oliver E. Buckley Condensed Matter Prize. 1987 wurr he Fellow van de National Academy of Engineering.[2] 2001 kreeg he den James C. McGroddy Prize for New Materials van de American Physical Society. 1974 wurr he Fellow van de American Physical Society. Siet 2001 is he todem Liddmaat van de National Academy of Sciences.[3] 2006 kreeg he den Newcomb Cleveland Prize van de American Association for the Advancement of Science, 2016 de National Medal of Technology and Innovation.[4]
Wegen de Antall van sien Ziteeren tell hüm Clarivate Analytics siet 2018 to de Favoriten up en Nobelpries för Physik (Clarivate Citation Laureates).[5]
Schriften
[ännern | Bornkood ännern]- mit Tsui, Störmer: Two dimensional Magnetotransport in the extreme quantum limit. Phys. Rev. Lett., Bd. 48, 1982, S. 1559–1562 (Opdecken van dat FQHE)
Weblinks
[ännern | Bornkood ännern]- Homepage. In: Institute for Energy Efficiency, UCSB. (engelsch).
- Homepage. In: Materials Department, UCSB. (engelsch).
- Arthur Charles Gossard In: Physics History Network. American Institute of Physics (engelsch, mit Bild)
Enkeld Nahwiesen
[ännern | Bornkood ännern]- ↑ Arthur C. Gossard (1935-2022). In: UC Santa Barbara Materials. 19. Juli 2022, afropen an’n 4. August 2023 (engelsch).
- ↑ Professor Arthur C. Gossard. Afropen an’n 14. November 2018 (engelsch).
- ↑ Arthur C. Gossard. In: Member Directory, National Academy of Sciences. Afropen an’n 14. November 2018 (engelsch).
- ↑ Arthur Gossard. In: Laureates, National Medal of Technology and Innovation. Afropen an’n 14. November 2018 (engelsch).
- ↑ Clarivate Analytics Reveals Annual Forecast of Future Nobel Prize Recipients. In: clarivate.com. Clarivate Analytics, 20. September 2018, afropen an’n 20. September 2018 (engelsch).