Arteriool

Vun Wikipedia

Arteriolen (lat. Arteriolae) sünd lütte Arterien, de vun de Grött twüschen de Arterien un de Kapillaren leegt. Dat venöse Gegenstück dorto warrt as Venool betekent. Arteriolen un Venolen sünd de fiensten Bloodfatten, de noch mit’t bloot Oog to sehn sünd.

Opbo un Funkschoon[ännern | Bornkood ännern]

De Wannen vun Arteriolen sünd jüst so obboot as de vun Arterien. Dorbi warrt twüschen Intima, Media un Adventitia ünnerscheedt.

De Media is blots swack, man de gladde Muskulatur in de middelsten Schicht kann de Arteriool vullstännig versluten, wat bi de grötteren Arterien nich funkschoneert. Disse gladden Muskelzellen warrt dorüm as Sphincter precapillaris („Sluutmuskel vör de Kapillaren“) betekent. Dit Schott sorgt dorför, dat dat sik anslutende Kapillarbett nich vun Blood dörströömt warrt un wenig brukt Geweev un Organen ok blots wenig dörblöödt warrt.

De Rievwedderstand vun’t Blood nimmt in de Arteriolen bannig to, Stroomsnelligkeit un Blooddruck nehmt dorgegen af. Na jemehr Funkschoon warrt de Arteriolen dorüm ok as Wedderstandsfatten betekent. Al lütte Ännern vun’t Lumen vun de Arteriolen in en Liefrebeet hebbtgroten Influss op den Blooddruck.