Arteria angularis

Gesichtsarterien bi’n Minschen. De Winkelarterie löpt an de Siet vun de Nees na baven.

De Arteria angularis („(Ogen-)Winkelarterie“) is en Slagader vun’n Kopp. Se stellt den Endtwieg vun de Gesichtsarterie dor, nadem de Böverlippenarterie dorvun afgahn is.

De A. angularis tütt na’n baven na’n binneren Ogenwinkel, wobi se in den Musculus levator labii superioris inbett is. In ehrn Verlopp twiegt vun ehr in’t Rebett vun de Back lüttere Adern af, de Anastomosen billt mit de Ünnerogenarterie. De A. angularis versorgt de Strukturen in’n binneren Ogenwinkel mit Blood, as den Tranensack, Andeelen vun de Ogendeckels un vun’n Musculus orbicularis oculi.

Literatur

• T.H. Schiebler (Rgv.): Anatomie. Springer, Heidelbarg 2005. ISBN 3-540-21966-8.