Arteria infraorbitalis

Vun Wikipedia
Wesseln na: Navigatschoon, Söök
De Arterien vun’n Kopp

De Arteria infraorbitalis („Ünnerogenslagader“) is en Arterie vun’n Kopp.

Se twiegt ut den drüdden Afsnitt vun de Arteria maxillaris („Böverkeevslagader“) in’t Rebeet vun de Fossa pterygopalatina af. Dör dat Foramen maxillare geiht se in den Böverkeevknaken rin un dörlöpt em in’n Canalis infraorbitalis – tosamen mit de Veen mit den glieken Naam un den Nervus infraorbitalis – un kummt an’t Foramen infraorbitale wedder an de Böverflach vun’t Gesicht.

Noch in’t Rebeet vun de Fossa pterygopalatina twiegt ut de Arteria infraorbitalis mehrere Adern af, de de buteren Ogenmuskeln un de afleiden Tranenweeg versorgt. In’n Canalis infraorbitalis gaht vun ehr Twiegen an de Böverkeevtähnen af, un wenn se dör dat Foramen infraorbitale wedder na baven kummt, versorgt se de böveren Delen vun de vördere Gesichtshälft. Dorbi billt se Anastomosen mit de Endtwiegen vun de Arteria facialis.

Literatur[ännern | Bornkood ännern]

  • U. Gille: Herz-Kreislauf- und Abwehrsystem, Angiologia. In: Salomon, F.-V. u. a. (Rgv.): Anatomie für die Tiermedizin. Enke-Verlag, Stuttgart 2004, S. 404-463. ISBN 3-8304-1007-7