Arsan (Stoffgrupp)

Arsanen (Arsenwaterstoffen) sünd cheemsche Verbinnen ut de Elementen Arsen un Waterstoff. Jüst so as de verschedenen Kohlenwaterstoffen kann man jem in en homologe Reeg inorden. Jemehr allgemeene Summenformel is As_nH_n+2. De Beteken Arsenwaterstoff kann för jeed Arsan bruukt warrn, steiht normalerwies aver för de Verbinnen, de an’n bekanntsten is un an’n fakensten vörkummt, neemlich dat Monoarsan.

Beteken

Anlehnt an de Nomenklatur vun de Waterstoff-Verbinnen mit den Hööftgruppen-Naver Phosphor in dat Periodensystem, de Phosphanen, warrt de Tall vun de Arsenatomen in de enkelten Verbinnen mit en greeksch Tallwoort angeven, dat vöranstellt warrt. De Tall vun de Waterstoffatomen warrt nich angeven, kann aver licht mit de Summenformel utrekent warrn.

Struktur

Arsanen sünd all teemlich unbestännig, so dat to Tiet dorvun blots dree verschede Verbinnen bekannt sünd: