Arlet

Vun Wikipedia
Zur Navigation springen Zur Suche springen
De Arlet in sien Grundklöör
De Appel an’n Boom mit sien lüchten rode Deckfarv

Arlet is en lütten bit middelgroten Huusappel (Malus domestica). De Sort is rundlich bit hooch boet.

De Schaal vun’n Arlet hett en gele Grundklöör un en kräftig lüchten rode Deckklöör. Tyypsch för den Arlet is dat Berosten vun de Stillunk. Dat Fruchtfleesch hett en witte bit cremefarven Klöör, is fienzellig un bannig saftig. De Smack is normalerwies schön fruchtig un fien-süerlich.

De Sort Arlet is 1958 an de Eidgenöss’sche Forschensanstalt Wädenswil in de Swiez tostannen kamen un warrt siet 1984 vermarkt. Dat hannelt sik dorbi üm en Tucht ut den Golden Delicious mit de Sort Idared. De Appel is aver düchtig anfallig för Appelschorf

Arlet-Appel sünd för vele Saken to bruken. Se sünd to’n Kaken un Backen jüst so egent as to’n frisch Eten.

Oorntiet is Anfang bit Mitt vun’n September, Op’n Markt kummt he ruchweg bit Enn Juni. Dat geiht, vun wegen dat sik de Sort in’t CA-Lager bit Enn Mai lagern lett. In’t normale Köhllager kann de Appel bit Februar lagert warrn, un ok bi Ruumtemperatur lett sik de Arlet lang lagern, ahn dat he week warrt. De Grund dorför is de Fettschicht, de de Appel bi Ruumtemperatur billt. se hinnert, dat de Appel utdröögt.

Kiek ok[ännern | Bornkood ännern]