Arianne Borbach

Vun Wikipedia
Arianne Borbach (2001)

Arianne Borbach (* 30. Mai 1962 in Bernau bi Berlin) is en düütsch Synchroonsnackerin un Schauspelerin.

Leven un Wark[ännern | Bornkood ännern]

Nah hör Utbilln as Elektromechanikerin studeer Borbach Schauspeel an de Hoochschool för Schauspeelkunst „Ernst Busch“ Berlin. All to hör Studientiet is se as Dorstellerin up verscheeden Böhnen uptreden, vör allen aber in Oost-Berlin, wo se bit 1993 Lidmaat vun dat Theater an der Parkaue bzw. Theater der Freundschaft weer.

Neven hör Theaterarbeit, wirk Borbach ok af 1984 bi Film- und Fernsehproduktschonen vun de DEFA un de DFF as Schauspelerin mit, ünner annern 1987 in Liane, wo se de Hööftpersoon speelen de un dorför as best Dorstellerin up dat Natschonale Filmfestival vun de DDR ehrt wurr. Nah de Wende speel se faken in Fernseehserien, so as Wolffs Revier, SOKO 5113, Hallo, Onkel Doc un Unser Charly mit. Se sull denn ok noch as Tatort-Kommissarin Carla Wall in Die Brut der schönen Seele (1991/92) inföhrt wurrn, aber de Film hebbt se nahst buterhalf vun de Serie utstrahlt.

As Synchroonsnackerin hett se ünner annern Uma Thurman, Catherine Zeta-Jones, Gwyneth Paltrow, Cate Blanchett un Helen Hunt in de hör Filmen hör Stimm lehnt. In Feernsehregen synchroniseer se Portia de Rossi as “Nelle Porter“ in Ally McBeal, Roxann Dawson as “B’Elanna Torres“ in Star Trek: Voyager, Teryl Rothery as “Dr. Janet Frasier“ in Stargate SG-1 Lisa Ryder as “Beka Valentine“ in Andromeda un Navy CIS “ NCIS-Director Jennifer „Jenny“ Shepard “ Lauren Holly .

In dat Höörspeel „Mitte Nacht ist Neuer Tag“ (Thrillbeatconstruction Records) vun 2006 singt se sogor mit de Schauspeler un Synchroonsnacker Christian Brückner tosommen en Leed.

Filmografie (Utwahl)[ännern | Bornkood ännern]

Johr Titel
1983 Fariaho
1984 Auf dem Sprung
1986 Das Haus am Fluß
1987 Liane
1991 Versteckte Fallen
1992 Die Brut der schönen Seele, Feernsehn
1993-2009 Polizeiruf 110, Feernsehepisoden
2005-15 Bibi und Tina, Feernsehreeg, Stimm

Literatur[ännern | Bornkood ännern]

  • Frank-Burkhard Habel & Volker Wachter: Das große Lexikon der DDR-Stars. Berlin 2002, Schwarzkopf & Schwarzkopf, ISBN 3-89602-391-8

Weblenken[ännern | Bornkood ännern]