Anna Ahrens (Rier)

Anna Ahrens (* 5. Oktober 1871 in Rier; † 25. März 1960 ok dor) weer en plattdüütsche Schrieversche.

Leven

Ahrens is 1871 in Rier boren un dor ok opwussen. Ehr Vader weer Möller. Na de School hett se en Lehr as Krankenpleger op de Butenstationen von dat hannöversch Henriettenstift maakt. See hett denn twölv Johr as Gemeenswester in Warstood arbeidt. 1921 güng se na ehr Heimaat trügg un weer in Syke Gemeenswester un Krankenplegerin. An’n 1. Oktober 1931 harr se ehr 25-jöhrig Beroopsjubiläum. In de Midd von de Johren 1930 güng se in Rohstand un hett sik denn vör allen mit de plattdüütsche Spraak uteneensett. Al von 1900 af an harr se in de Tiedschrift „Niedersachsen“ lüttjere Bidrääg över Kinnerspelen, Aftellers, Seggwöör, Leder un Brüük opschreven. Üm 1938 rüm keem de Zyklus „Sleche Wege un Swarmer Wagens“ rut, mit Geschichten, in de dat üm de Dörper Rier, Ausen un Drey güng.

Na ehr sünd de Anna-Ahrens-Weg in Rier un in Syke nöömt.

Warken

• Vergäten Sang ut Kinnerdaagen. Mit Biller von Theodor Herrmann. Stelzer, Stood 1939
• Windmöhlnsang un Heimatklang. Dißmeyer, Syke 1939

Kiek ook bi

• List vun plattdüütschen Schrieverschen

Weblenken

• Anna Ahrens (Rier) in de Datenbank Die niederdeutsche Literatur (hoogdüütsch)