Angrivarier

Vun Wikipedia
Zur Navigation springen Zur Suche springen

De Angrivarier (ok Angrevarier, Angarier, Engern) weern en germaansch Volk, dat an de Werser, hööftsächlich up dat rechte Ufer, vun de Infloot vun de Aller bit to dat Steenhuder Meer, wahnen un nöördlich an de Chauken, süüdlich an de Cherusker, süüdööstlich an de Dulgubnier un westlich an de Ampsivarier grens.

As Germanicus 16 n. Chr. tegen de Cherusker angung, hebbt de Angrivarier achter sien Truppen en Upstand anfungen, wurrn aber bold dör Stertinius to Ruh brocht un bleben dornah Anhänger vun dat Röömsche Riek.

Nah de Uplösung vun de cheruskischen Bund hebbt se hör Grenzen wieder nah Süüden henn verleggt un hebbt ünner Kaiser Nerva mit de Chamaven den Brukterern de Gegend nöördlich vun de Lippe un an de Born vun de Eems afnommen. Later henn sünd se noch wieder nah Süüden un Westen gahn, slooten sück ünner de ok up dat Land (Angaria, Engern) övergahn Naam vun de Angrivarier oder Engern de Sassenbund an un wurrn de Sassen ehrn middelsten Deel. Vun Karl den Groten ünnerworfen, nehmen se dat Christendom an.

De Naam Engern hett sück as Naam vun en Deel vun dat Hartogdom Sassen bit in dat Middelöller hollen. Ok de Naam vun de Stadt Enger kunn dormit in Verbindung stahn, aber dat is ma jo noch nich seker.

Kiek ok[ännern | Bornkood ännern]