Andreas Conrad Werner

Vun Wikipedia

Andreas Conrad Werner (* 6. Juli 1698 in Sundhausen[1]; † 2. Mai 1743 in Stood[1]) weer en düütschen Pädagoog.

Werner is 1698 as Söhn von Anna Elisabeth, borene Danz (Dochter von Sebastian Danz, Süster to Johann Andreas Danz), un Johann Werner in Sundhausen boren.[1] He hett in en Öller von fiev Johr en Huuslehrer kregen, de Saurbrey heten hett.[1] Von 1706 bet 1714 hett sien öllern Broder Johann Matthäus em Ünnerricht geven.[1] 1714 keem he an dat Gymnasium illustre in Gotha un hett dor ünner anner bi Gottfried Vockerodt Ünnerricht hatt.[1] 1717 is he an de Universität Jena wesselt un hett ünner annern bi Johann Jacob Syrbius un Johann Jakob Lehmann studeert.[1] Ok sien Unkel Johann Andreas Danz hett to siene Perfessers höört un he hett Lesungen bi Christoph David Bernhard höört.[1] Theologie hett he bi Johann Franz Buddeus un Jesaias Friedrich Weissenborn lehrt.[1] 1721 is he Magister worrn un hett in dat sülve Johr sien Dokterarbeid mit den Titel De puritate fontium ebraeorum, speciatim ex libro Josuae probata schreven.[1] 1723 het he de Arbeid De Samaritanis, eorumque templo in Monte Garizim aedificato schreven.[1]

1723 is Werner Hoffmeester för den Söhn von’n anhalt-köthenschen Geheemraad Wilhelm Heinrich von Rath in Nienburg worrn un is 1724 tohoop mit Rath na Erfurt tagen.[1]

In dat sülve Johr aver is he as Rekter von dat Athenaeum Stood beropen worrn.[1] He keem an’n 21. August 1724 in Stood an.[1] Werner is bet to sien Dood 1743 Rekter von de School bleven.[1]

He hett an’n 2. November 1728 Anna Elisabeth Wendland († 9. April 1737) freet.[1] De beiden hebbt de Kinner Andreas Conrad (* 12. Juli 1728), Johann Samuel (18. Juni 1730–7. Dezember 1731), Sophia Christina Dorothea (* 30. September 1731), Johann Christian (26. Oktober 1732–3. September 1734), Johann Samuel (26. Juli 1734–7. Juni 1736) un Johann Friederich (24. Februar 1736–13. Oktober 1738) hatt.[1]

Footnoten[ännern | Bornkood ännern]

  1. a b c d e f g h i j k l m n o p q Johann Hinrich Pratje: Die Herzogthümer Bremen und Verden oder vermischte Abhandlungen zur Erläuterung der Politischen-, Kirchen-, Gelehrten- und Naturgeschichte wie auch der Geographie dieser beiden Herzogthümer. Band 1, Rump, Bremen 1757, Sied 383ff