André Wiese

Vun Wikipedia
Zur Navigation springen Zur Suche springen
André Wiese in’n November 2009

André Wiese (* 3. Mai 1975 in Winsen) is en düütschen Politiker von de CDU.

Wiese is 1975 in Winsen boren. Na dat Abitur 1994 an’t Gymnasium Winsen hett he 1994/1995 den Grundwehrdeenst in Rodenborg un Munste daan. Wiese hett an de Fachhoogschool Hannover studeert un dat Studium as Diplom-Verwaltungsweert afslaten.

2002 is he Vörsitter von de CDU Winsen worrn un 2001 Viez-Kreisvörsitter von de CDU Horborg-Land. 1996 is he Raadsherr in’n Gemeenraad von de Stadt Winsen worrn. Dor weer he von 2006 bet 2011 Viez-Börgermeester. 2011 is Wiese as Nafolger von Angelika Bode mit 47,1 % von de Stimmen as Börgermeester von Winsen wählt worrn.

Von 2003 bet to’n 9. November 2011 weer Wiese för den Wahlkreis Winsen Maat von’n Landdag von Neddersassen. Bi de Wahl 2003 hett he 58,9 % von de Stimmen kregen un 2008 47,5 %. Na de Wahl as Börgermeester hett Wiese sien Mandaag trügggeven un Reinhard Hegewald hett dat Mandaat övernahmen.

Wiese is verheiraadt un hett dree Kinner.

Weblenken[ännern | Bornkood ännern]

Commons-logo.svg André Wiese. Mehr Biller, Videos oder Audiodateien to’t Thema gifft dat bi Wikimedia Commons.