Anarchismus
Anarchismus es ene politsche Philosophie, de sik gegen alle Aarden Autoriteet stellt un versöcht alle Institutschonen, de na anarchistsche Ansicht unnödige Twang un Hierachien upbuut, uptogeven, daar mang meest ook den Staat un de Kapitalimus. Anarchismus versöcht meest den Staat med ene statenlose Sellschop uuttotuuschen un daarför ene Sellschop uptorichten, de uut Gruppen besteet, de sik friwillig tohoopslutet. As ene histoorsch luchts richt Philosophie steet de Anarchismus luchts buten up den politschen Spektrum, un wärd meest as de liberale Deel binnen den Sotschalismus bekeken.
Ook wenn sik hier un daar een paar anarchistsche Ideen in de Historie find, kam de moderne Anarchismus eerst in de Tied van de Upklärunge up. In de tweden Halve van den 19. Jaarhunderd un den eersten Jaren van den 20. Jarhunderd hadde de Anarchismus weltwied sienen Hoogpunkt un ene wichtige Rulle binnen de Arbeiderröör. Verscheden anarchistsche Denkscholen kemen in de Tied up. Anarchisten nemen ook in verscheden Revolutschonen deel, daar mang besunners de Pariser Kommune, den Russischen Börgerkrieg un de Spaanschen Börgerkrieg. In de twede Halve Halve van den 20. Jaarhunderd un den 21. Jaarhunderd, kemen arnachistsche Ideen noch eenmaal up un kunnen med Ansichten geden Kapitalismus un Globalisatschoon Towass winnen.
Anarchisten hebbet heel verscheden Ansichten, man allgemeen könn’we revolutschonere un evolutschonere Strategien unnerscheden; med ene grote Sniddmengde twischen den beden. Evolutschonere Strategien versöcht natobillen, wo ene anarchistsche Sellschoopp uutseen könne, man revolutschonere Methoden bruken in den Loop van de Historie Gewald, so Autoritetenun Staten to störten. Up vele verscheden Aspekte in de minschlike Sellschop hebbet anarchistsche Theorien, Ideen un Praxis Inflood nomen.