Anaram Au Patac
Anaram Au Patac (AAP, okzitaansch för Wi gaht in den Kampf) is en Organisatschoon, de sik för de okzitaansche Spraak un mehr Autonomie för Okzitanien insetten deit. Dragen warrt Anaram Au Patac vun en linke Jugendbewegung, vör allen vun Studenten.
Vun de Instellung her sünd se marxistisch, gegen de Globaliserung, weren gegen den Irakkrieg un sünd solidarisch mit Palästinensers, Basken, Katalanen un annere Volksgruppen, de ünnerdrückt warrt.
Anaram Au Patac hett sik 1992 in Pau billt un hett dree Afdelen in Bordeaux, Clermont-Ferrand un Montpellier. Veer Maal in’t Johr gifft AAP en Bladd rut, Har/Far, la revista de l'Occitània qui bolèga (Dat Bladd vun Okzitanien, dat wat bewegt).
1995 weer AAP mit dorbi, as sik de Okzitaansche Revolutionärbewegung grünnt hett. 2004 is de okzitaansche Spraakaktivist Robert Arricau in Haft kamen. He schall Lüüd vun de ETA ut dat Baskenland in Frankriek Ünnerkruup geven hebben. Siet de Tied weer he en Symbolfigur för Anaram Au Patac. Arricau is an’n 23. Juni 2006 wedder free kamen.
Weblenken
[ännern | Bornkood ännern]- Websteed vun Anaram Au Patac (okzitaansch)