Alina Ilnasowna Sagitowa

Vun Wikipedia
Alina Sagitowa bi de Olympisch Spelen 2018

Alina Ilnasowna Sagitowa (tatarisch: Алинә Илназ кызы Заһитова; russisch: Алина Ильназовна Загитова; * 18. Mai 2002 in Ischewsk) is en russische Ieskunstlöperin. Se is Olympiasiegerin in Pyeongchang 2018, Weltmeesterin in Saitama 2019 as ok Europameesterin van 2018 in Moskau.

Leven[ännern | Bornkood ännern]

Hör Vader Ilnas Sagitow is en Ieshockey-Trainer mit tatarischen Vörfohren. Sagitowa hett en jüngere Süster Sabina. Se sülvst weer een Johr lang ahn Vörnaam un kreeg hüm denn nah de rhythmische Sportgymnastin Alina Kabajewa.

Sportlich Loopbahn[ännern | Bornkood ännern]

Mit fief Johren fung se mit dat Ieskunstlopen an. Hüüd (2019) wurrd se van Eteri Tutberidse un Sergei Dudakow in Moskau traineert. Internatschonal geev se hör Debüt in’n August 2016 mit den eersten Platz bi den Wettbewarf ISU Junior Grand Prix (JGP) in Saint-Gervais-les-Bains. Dat JGP-Finale wunn se ebenso. Sagitowa wurr de eerste Juniorin in de Historie, de mehr as 200 Punkte kreeg.[1] Bi de russisch Meesterschapen 2016/17 in Tscheljabinsk wurr se Viezmeesterin. In de Saison 2016/17 kunn Sagitowa wegen hör Öller internatschonal noch nich bi de Damen starten.[2]

To Anfang van hör eerst Seniorensaison 2017/18 wunn se glieks hör beid Grand Prix, denn dat Grand-Prix-Finale as ok de Europameisterschap. Ansluutend wurr se de tweetjüngste Olympiasiegerin nah Tara Lipinski un stell blangen bi noch en nee Weltrekord in dat Körtprogramm up. In de folgend Saison is Sagitowa in Saitama dat eerste Mal Weltmeesterin wurrn.

Enkeld Nahwiesen[ännern | Bornkood ännern]

  1. Юниорка Алина Загитова из Ижевска стала лучшей фигуристкой серии Гран-при aifudm.net, Russisch, 10. Dezember 2016, afropen an’n 27. Dezember 2016.
  2. Алина Загитова: «Медведева меня мотивирует» sportbox.ru, Russisch, 24. Dezember 2016, afropen an’n 27. Dezember 2016.

Weblinks[ännern | Bornkood ännern]

Alina Zagitova. Mehr Biller, Videos oder Audiodateien to’t Thema gifft dat bi Wikimedia Commons.
  • Alina Sagitowa in de Datenbank van de International Skating Union (engelsch)