Alfred Lameli

Alfred Lameli (* 25. Februar 1971 in Worms) is een düütschen Spraakwetenschopper un Germanist. He is de Direkter vun dat Forschungszentrum Deutscher Sprachatlas un Perfesser för Germanistsche Linguistik an de Philipps-Universität Marborg. He befaat sik besünners mit Dialekten, regionalen düütschen Spraakvarietäten un de düütsche Spraakhistorie.

Leven

Na sienen (1994–2000) Studium in de Germanistik, Italianistik un Historie an den Universitäten Heidelbarg, Pisa un Mainz weer he vun 2000 bet 2008 wetenschoploch Hülpskraft, denn wetenschoplich Mitarbeider an dat Forschungszentrum Deutscher Sprachatlas. Na siene Promotschoon 2003 in de düütsche Spraakwetenschop an de Philipps-Universität Marborg, weer he vun 2005 bet 2009 Koordinater vun dat DFG-Projekt Digitaler Wenkeratlas (DiWA). 2008–2018 leid he de Forschergruppe „Linguistische Raumstrukturen“ an den Deutschen Sprachatlas un de Akadmie der Wissenschaften un der Literatur in Mainz. Na siene Habilitatschoon 2012 in Marborg het de Philipps-Universität em 2014 to’n extradordinären Perfesser beropen. Na ene Gastproffessuren in Bern, Verona, Sibiu un Turin, weer he vun 2018 bet 2020 Perfesser för Germanistsche Spraakwetenschop an de Albert-Ludiwgs-Univeristät Freiborg un Ko-Direkter vun de Forschungsstelle Sprachvariation in Baden-Württemberg. An dat Düütsche Seminaar vun de Universität Freiborg weer he in düsse Tied ook Direkter. 2020 is he de Nafolger vun Jürgen Erich Schmidt as Driekter vun dat Forschungszentrum Deutscher Sprachatlas (DSA) worrn. De DSA is zentrale Stell de düütschen regionalen Varietäten vundaag un in de verleden Tied uuttoforschen. In düssen Amt is he toglieks ook Perfesser för Germanistsche Linguistik an de Universität Maborg.

Siene Swaarpunkten sind de düütschen Varietäten un de düüsche Spraakhistorie so as ook de Struktuur un de Dynamik twischen Standardspraak un Dialekt. Hier befaat he sik besünners mit de Spraakgeografie, Spraak un kultureller Identität un de Korpuslinguistik. He is Ko-Direkter för dat Langteidprojekt regioanlsprache.de (REDE), dat ene Plaatfoorm för den Ünnersöök an den regionalen düütschen Varietäten is. He givt ook de Bookregen Deutsche Dialektgeographie (DDG) un de FacktiefschriftGermanistische Linguistik (GL) mit ruut.

Sied 2020 is Lameli assozieerten Perfesser an de Universität Verona. He is ook Vice Persident vun de International Society for Dialectology and Geolinguistics. un ook Maat in den Forscherbiraad vun de Schweizer Hochschule für Logopädie Rorschach.

Schriften

Standard und Substandard. Regionalismen im diachronen Längsschnitt (= Zeitschrift für Dialektologie und Linguistik. Beihefte 128). Franz Steiner, Stuttgart 2004, ISBN 3-515-08558-0 (Dissertatschoon, Universität Marborg 2003).
Strukturen im Sprachraum. Analysen zur arealtypologischen Komplexität der Dialekte in Deutschland (= Linguistik – Impulse & Tendenzen. Band 54). Berlin/Boston 2013, ISBN 3-11-033123-3.
Erläuterungen und Erschließungsmittel zu Georg Wenkers Schriften. Olms, Hilmessen/New York/Zürich 2014, ISBN 3-487-14998-2.
The Replacement of Diminutive Suffixes in the New High German Period. A Time Series Analysis in Word Formation. In: Journal of Historial Linguistics 3, 2018.
(tohoop mit Roland Kehrein un Stefan Rabanus:) Language Mapping. An International Handbook of Linguistic Variation (= Handbücher zur Sprach- und Kommunikationswissenschaft. Language and Space. Band 30.2). De Gruyter Mouton, Berlin / New York 2010.
(zusammen mit Roland Kehrein und Stefan Rabanus:) Regionale Variation des Deutschen. Projekte und Perspektiven. De Gruyter, Berlin/Boston 2015.
(tohoop mit Jürg Fleischer, Christiane Schiller un Luka Szucsich:) Minderheitensprachen und Sprachminderheiten. Deutsch und seine Kontaktsprachen in der Dokumentation der Wenker-Materialien (= Deutsche Dialektgeographie. Band 126). Hilmessen / New York / Zürich, Olms 2020.

Weblinks

Einzelnachweise