Al Haig

Vun Wikipedia
Zur Navigation springen Zur Suche springen

Allan Warren Haig (* 22. Juli 1924 in Newark (New Jersey); † 16. November 1982 in New York City), weer en US-amerikaansch Jazzpianist un een vun de Pioniere vun den Bebop.

1944 speel he mit Dizzy Gillespie, Tiny Grimes un Charlie Parker un hörr denn bit 1946 to de Band vun Gillespie un dornah to de Band vun Parker, 1947/48 hett he mit Eddie Lockjaw Davis, Ben Webster un Jimmy Dorsey tosommen arbeit. Mit Charlie Parker speel he in’ Mai 1949 up dat Festival International 1949 de Jazz in Paris, bevör he tüschen Sömmer 1949 un 1951 bi Stan Getz speel un bi den sien legendär Upnahmen för de Plattenfirma Roost mitwark. Miles Davis hett hüm to sien Nonett halt, mit dat he de eersten Upnahmen to Birth of the Cool makt hett. Haig speel faken ok jensiets vun de Jazzkontex. In de 1950er un 1960er Johren hett he över längere Tiet kien Musik makt; 1954/55 hett he aber mit Chet Baker, 1956 mit Gillespie un 1960 mit Perry Lopez tosommen arbeidt.

1968 is sien Fru Bonnie ünner mysteriöös Umstännen to Dood kommen, so dat he ok as Mordverdächtiger för Gericht stunn. G. Rutan beschrifft den Prozess in sien Book Death of a Bebop Wife (Redwood, NY:Cadence Jazz Books, 2007).

Al Haig, de he verhollen, vun Bud Powell inspireerten Stil speel, gellt as en vun de führend Pianisten vun de Bop-Periood, de bi epochalen Inspeelen mitwarkt hett as Gillespies Hot House (1945) oder Miles Davis´ Godchild (1949).

Diskographie (Utwahl)[ännern | Bornkood ännern]

  • Out Of Nowhere (mit C. Parker, 1948)
  • Highlights in Modern Jazz: Al Haig, 1949
  • The Song Is You (mit Stan Getz, 1950)
  • Opus Caprice (mit S. Getz, 1950)
  • Al Haig Trio , 1954
  • Al Haig Quartet, 1954
  • Al Haig Today!, 1965
  • Invitation, 1974
  • Summertime (mit S. Getz, 1976)
  • I Remember Bebop (mit S. Getz, 1977)
  • Ornithology, 1977
  • Inner City (1980)
  • Bebop Live, 1982

Weblenken[ännern | Bornkood ännern]