Ah

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Ah (Rodenborg).

Wapen/Flagg Koort

Wapen vun Ah

Ah
Laag vun Ah in Düütschland
Basisdaten
Bundsland: Neddersassen
Landkreis: Cuxhoben
Gemeen: Beverst
Inwahners:
Postleettall: 27616
Vörwahl: 04747
Geograafsche Laag:
Koordinaten:53° 24′ N, 8° 54′ O
53° 24′ N, 8° 54′ O

Ah (hoochdüütsch Ahe) is en lütt Oord in de Gemeen Beverst, in’n Landkreis Cuxhoben, Neddersassen.

Geografie[ännern | Bornkood ännern]

Dör Ah flütt de Beek Ah, de so bi 800 Meter in’n Noorden von’n Oort in de Ooldwister Luun münnt, de sülvs wedder in de Luun flütt. De Luun löppt so bi twee Kilometer in’n Noordwesten an Ah langs.

De Naveröörd sünd Karkwist in’n Noorden, Ooldwist in’n Noordoosten, Kuhs un Siedlung Kuhs in’n Süüdoosten, Helljes in’n Süüdwesten, Wellen in’n Westen un Beverst, Taben un Stemmermöhlen in’n Noordwesten.

Historie[ännern | Bornkood ännern]

De Oort hett vör 1851 to dat Gericht Beverst tohöört un denn von 1851 bet 1859 to dat Amt Beverst. 1859 is de Oort mit dat ganze Kaspel Karkwist an dat Amt Bremervöör wesselt. 1885 is Ah Deel von’n Kreis Bremervöör worrn.

Dat Dörp is 1939 tohoop mit Ooldwist Deel von de Gemeen Karkwist worrn, wat aver to’n 1. Oktober 1949 wedder trüggännert worrn is.[1] An’n 1. März 1974 sünd Ah, Karkwist un Ooldwist denn aver doch wedder tohoopleggt worrn. Ah is dorbi von’n Landkreis Bremervöör in’n Landkreis Wersermünn wesselt. An’n 1. November 2011 is de Gemeen Karkwist denn Deel von de ne’e Gemeen Beverst worrn. Bi de Kreisreform 1977 is de Landkreis Wersermünn in’n Landkreis Cuxhoben opgahn.

Inwahnertall[ännern | Bornkood ännern]

Johr Inwahners
1824-00-001824[2] 11 Füürsteden
1848-00-001848[3] 59 Lüüd. 11 Hüüs
1910-12-011. Dezember 1910[4] 58
1949-10-011. Oktober 1949[1] 96

Religion[ännern | Bornkood ännern]

Ah is evangeelsch-luthersch präägt un höört to dat Kaspel von de Johannes-de-Döper-Kark in Karkwist.

Infrastruktur[ännern | Bornkood ännern]

Verkehr[ännern | Bornkood ännern]

Lüttjere Straten loopt von Ah na Wellen, Kuhs, Siedlung Kuhs, Ooldwist un Stemmermöhlen. In Stemmermöhlen kann’n op de Bundsstraat 71 föhren un in Kuhs op de B 74.

De nächste Bahnhoff is de Bahnhoff Stubben an de Bahnlien Bremen–Bremerhoben, de so bi teihn Kilometer weg is.

Footnoten[ännern | Bornkood ännern]

  1. a b Neues Archiv für Niedersachsen. Band 3, W. Dorn, 1949, Sied 871
  2. C. H. Jansen: Statistisches Handbuch des Königreichs Hannover. 1824, Sied 6: http://books.google.de/books?id=tG0AAAAAcAAJ&pg=PA6
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 148: http://books.google.de/books?id=eOI-AAAAcAAJ&pg=PA148
  4. http://www.gemeindeverzeichnis.de/gem1900/gem1900.htm?hannover/bremervoerde.htm