Aguacate Creek

Vun Wikipedia
Zur Navigation springen Zur Suche springen

De Aguacate Creek is en üm un bi 41 Kilometer langen Stroom in Guatemala un Belize, de in’n Moho River münnt. He warrt ok Jalacte Creek nöömt.

De Stroom hett sien Born in de Süüdutlöpers von de Maya-Bargen in’n Oosten von La Compuerta (Municipio Poptún, Departamento Petén, Guatemala) dicht bi de Grenz na Belize. Von dor flütt de Stroom na Süden. Bi de Dörper San Vicente, San Francisco Moyejon un Jalacte geiht de Aguacate Creek dree Maal över de Grenz bevör he denn bi Santa Cruz Frontera na Oosten dreiht un in Belize blifft. He flütt an dat Dörp Aguacate vörbi un münnt denn in’n Noorden von Santa Teresa in’n Moho River. De Moho River sülvs münnt later in de Bucht von Amatique, wat en Deel von de Karibische See is.

Bi Santa Cruz Frontera geiht de San Antonio Road mit en Brügg över’n Stroom röver.


Koordinaten:16° 9′ N, 89° 3′ W