Adrien Zeller

Vun Wikipedia
Zur Navigation springen Zur Suche springen
Adrien Zeller in Straßborg, 14. Dezember 2006

Adrien Zeller (* 2. April 1940 in Zabern; † 22. August 2009 in Hagenau) weer en franzööschen Politiker. Zeller weer siet 1996 de Präsident vun’n Regionalraat vun dat Elsass.

1973 is Zeller toeerst in de Natschonalversammlung vun Frankriek wählt worrn, as Afornter för den 7. Wahlbezirk in dat Departement Nedderrhien. He is noch söss mal wedder wählt worrn un hett sien Mandat 1998 afgeven, dat he sik op dat Präsidentenamt in’t Elsass kunzentreren kunn. 1989 bet 1992 weer he ok Afornter in’t Europaparlament un vun 1977 bet 2001 Börgermeester in Zabern. Vun’n 20. März 1986 af an bet to’n 10. Mai 1988 weer Zeller Staatssekretär bi’n Minister för soziale Saken un Arbeit un för de Sozialversekerung tostännig. He weer Maat vun dat Sozialdemokraatsche Zentrum un de Union för franzöösche Demokratie un weer siet 2002 in de Volksbewegungsunion.