Adolf von Nickisch-Rosenegk
Adolf von Nickisch-Rosenegk (* 17. Juli 1836 in Stargard; † 10. März 1895 in Meideborg)[1] weer en düütschen Verwaltungsbeamten un Parlamentarier.
Von Nickisch-Rosenegk is 1836 in Stargard boren. He hett sien Abitur an de Landsschool Pforta maakt un denn an de Universitäten Heidelberg, Halle un Berlin Juristeree un Kameralia studeert. 1856 is he in Berlin Maat von dat Corps Neoborussia worrn[2] un 1857 in Halle von dat Corps Marchia.[3]
Na dat Studium güng he in’n prüüßschen Staatsdeenst. He is 1865 Regerungsassesser bi de Regerung in Brombarg worrn.[4] As Landwehrleutnant weer he 1866 bi de Slacht bi Königgrätz mit dorbi un is swoor verwunnt worrn. Nadem he wedder gesund weer, weer he 1868 bet 1872 Amtshauptmann von dat Amt Neehuus.[4] Von 1872 bet 1874 weer he Verwalter von dat Landraadsamt in’n Kreis Weststernberg.[4] 1874 is he Landraad von’n Landkreis Düsseldörp worrn.[4] Noch in dat sülve Johr is he as Landraad in’n Landkreis Saatzig wesselt.[4] In’n Juli 1888 is he Viez von’n Regerungspräsident in’n Regerungsbezirk Danzig worrn.[5]
1888 keem he as Verwaltungsgerichtsdirekter an dat Verwaltungsgericht Danzig un is 1890 Oberregerungsraad bi de Regerung in Marienwerder worrn.[4] Toletzt hett he wedder in Stargard leevt.[2]
Von Nickisch-Rosenegk weer von 1879 bet 1888 för den Wahlkreis 4 Stettin (Pyritz, Saatzig) Afornten in dat Prüüßsche Aforntenhuus. He weer dor Maat von de Kunservative Partei.
Footnoten
[ännern | Bornkood ännern]- ↑ Genealogisches Handbuch des Adels, Adelige Häuser B Band VIII, Band 36 der Gesamtreihe, C. A. Starke Verlag, Limburg (Lahn) 1965, ISSN 0435-2408, S. 86.
- ↑ a b Kösener Korpslisten 1910, 12, 135
- ↑ Kösener Korpslisten 1910, 99, 256
- ↑ a b c d e f Acta Borussica, Band 8/II
- ↑ Landkreis Saatzig Verwaltungsgeschicht un Landrääd op de Websteed territorial.de (Rolf Jehke)