Adolf Goetze

Vun Wikipedia
Zur Navigation springen Zur Suche springen

Nikolaus Caspar Adolf Goetze (* 5. Juli 1837 in Oterndörp; † 26. Mai 1920 in Hannover) weer en düütschen Politiker.

Goetze is as Söhn von en Avkaat in Oterndörp boren un hett Juristeree in Heidelberg un Göttingen studeert. In Heidelberg weer he in dat Corps Vandalia. 1861 hett he in Hannover dat Auditer-Examen maakt. He is 1864 Amtsassesser in Rodenborg worrn, weer denn in Lümborg un 1868 Stadtsyndikus un Polizeidirekter in Stood. 1879 is he Kreishauptmann von’n Stoder Geestkreis in Himmelpoorten un von dat Amt Himmelpoorten worrn un mit’n 1. April 1885 Landraad in’n ne’en Kreis Stood. 1895 is he as Geheimen Regerungsraad ut’n Staatsdeenst rut un is Direkter vo de Landskreditanstalt in Hannover worrn. 1911 güng he in Rohstand.