Adewale Akinnuoye-Agbaje

Adewale Akinnuoye-Agbaje (* 22. August 1967 in London) is en britischen Schauspeler un Dreihbookschriever.

Leven un Wark

Adewale Akinnuoye-Agbaje is de Söhn vun nigeriaansche Inwannerers. Opwossen is he mit sien veer Süsters in London, woneem he ok boren is. He hett later an’t King’s College London jura studeert un in Mailand as Fotomodell arbeit. För sien Loopbahn as Schauspeler is he denn aver na Los Angeles ümtogen. Blangen sien Mudderspraak Yoruba snackt he ok Engelsch, Italieensch un Swahili. Sien Glovensricht is de Buddhismus.

Eerste Insichten in den Film kreeg he as Nevendorsteller in Feernsehregen as Red Shoe Diaries, New York Undercover oder Cracker. Mit Congo harr he 1995 sien eerste Filmrull. Sien Dörbrook harr he 1997 mit de HBO-Reeg Oz. Vun 2005 bit 2007 harr he ok en gröttere Rull in de Feernsehreeg Lost.

Filmografie (Utwahl)

Johr	Titel	Synchroonsnacker
1995	Congo dt.: Congo – Wo der Mensch zur bedrohten Art wird
1995	Ace Ventura: When Nature Calls dt.: Ace Ventura – Jetzt wird’s wild	Frank Schröder
1996	Deadly Voyage, Feernsehn dt.: Deadly Voyage – Treibgut des Todes
1997	20,000 Leagues Under the Sea, Feernsehn dt.: 20.000 Meilen unter dem Meer	Leon Boden
1998	Legionnaire dt.: Der Legionär	Fabian Körner
2000	Enslavement: The True Story of Fanny Kemble, Feernsehn dt.: Flammen der Leidenschaft – Eine wahre Geschichte
1997-2000	Oz, Feernsehreeg dt.: Oz – Hölle hinter Gittern	Ingo Albrecht
2001	The Mummy Returns dt.: Die Mumie kehrt zurück	Detlef Bierstedt
2001	Lip Service
2002	The Bourne Identity dt.: Die Bourne Identität	Michael Ojake
2004	Unstoppable	Christoph Jablonka
2005	The Mistress of Spices
2005	On the One
2005	Get Rich or Die Tryin’	Torsten Michaelis
2005-06	Lost, Feernsehreeg	Michael Ojake
2009	G.I. Joe: The Rise of Cobra dt.: G.I. Joe – Geheimauftrag Cobra	Tobias Kluckert
2011	Killer Elite	Thomas Albus
2011	The Thing	Matti Klemm
2012	Best Laid Plans
2012	Bullet to the Head dt.: Shootout – Keine Gnade	Aloysius Itoka
2013	The Inevitable Defeat of Mister & Pete
2014	Pompeii	Milton Welsh
2014	Annie	Tilo Schmitz
2015	American Odyssey, Feernsehreeg
2017	Elizabeth Blue
2017	Ten Days in the Valley, Feernsehreeg

Utteken

Akinnuoye-Agbaje weer bit hüüt (Dezember 2014) sössmol vör Filmpriesen nomineert. Wunnen hett he dorvun eenmol. Dat weer in’t Johr 2006 as he mit sien Kollegen för de Feernsehreeg Lost mit den Screen Actors Guild Award uttekent weer in de Kategorie Best Ensembleleistung in en Drama-Reeg.

Websteden

Adewale Akinnuoye-Agbaje. Mehr Biller, Videos oder Audiodateien to’t Thema gifft dat bi Wikimedia Commons.

Adewale Akinnuoye-Agbaje in de Internet Movie Database (engelsch)