Adam Adamandy Kochański

Kochański-Negerungskonstrukschoon: De (rode) Streck AZ is en goden Negerungsweert för den halven Krinkümfang / för dat Produkt $r\cdot \pi$.

Adam Adamandy Kochański (* 5. August 1631 in Dobrzyń nad Wisłą, Polen; † 17. Mai 1700 in Teplitz, Böhmen) weer en poolschen Mathematiker.

Kochański weer op dat Gymnasium in Thorn un hett 1652 in Vilnius en Studium von de Philosophie, Mathematik, Physik un Theologie anfungen. Later hett he Ünnerricht op düsse Rebeden ünner annern in Florenz, Prag, Breslau, Mainz un Würzborg geven. 1677 is he in Warschau Hoffmathematiker un Bibliothekar von König Johann III. Sobieski worrn.

Bekannt is vör allen siene 1685 utwickelte Negerungskonstrukschoon von Kochański, mit de en Quadraat kunstrueert warrn kann, dat meist de sülve Fläch hett as en geven Krink, also negerungswies en Lösung för de Quadratur von’n Krink dorstellt.

Kochański hett sik ok mit de Problemen von de Konstrukschoon von mechaansche Klocken beschäftigt.