Acker Bilk
Bernard Stanley Bilk, MBE (* 28. Januar 1929 in Pensford, Somerset, England; † 2. November 2014 in Bath, Somerset [1] in Bath, Somerset[2]), bekannt ünner de Naam Mr. Acker Bilk, weer en engelsch Jazzklarinettist.
Bilks Vader weer Prediger un sien Moder speel Örgel, so dat he all in sien Jöögd musikaalsch vörpräägt weer. To de Klarinette keem he unfreewillig dör sien Militärtiet. Wiel he wiels sien Deensttiet 1947 in Ägypten up de Wache inslaapen weer, muss he dree Maand in Militärarrest un hett sück dor to’n Tietverdriev sülvst dat Klarinettspelen bibrocht. Nahdem he entlaaten wurrn weer, wurr he eerst Schmeed, keem aber gau to de Musik un weer all Midden vun de 1950er Johren Liddmaat vun de Ken Colyer Group. 1958 hett he mit de Paramount Jazz Band sien eegen Band grünnd. Markenteken weern Melone Zeegenboort as ok de striept Jazz-Westen vun de gesamte Band. Sien Ökelnaam Acker kummt vun en süüdengelschen Dialektutdruck för Früend oder Kumpel.
Mit de Paramounts tour he sowohl dör England as ok dör Düütschland un kunn 1960 in beid Länner mit den Instrumentaltitel Summer Set sien eersten Charterfolg fiern. En anner groot Hit weer sien Version vun dat Instrumentalstück Petite fleur, komponeert vun Sidney Bechet.
En wieder Leed, dat he nah sien Dochter Jenny nömmt harr, wurr in dat Johr dorup för de Kinner-Feernsehreeg Stranger on the Shore utwählt. Ünner den Titel vun de Reeg wurr dat in en Neeupnahm mit dat Leon Young String Chorale to en Welthit. In den USA reck dat ruhige Klarinetteninstrumental Platz 1 un weer en Millionen-Seller. In Grootbritannien, wo dat Platz 2 recken dee, weer dat över een Johr in den Charts uni s bit hüüd de an meesten verköfft Instrumentaltitel vun all Tieden. Mit den Anfang vun de Beat-Ära is de Jazzmusik allgemeen in den Achtergrund treeden, un so wurr dat stiller um Acker Bilk in den Hitparaden. 1976 harr he in England mit sien Instrumentalversion vun den Titel Aria noch en Top-Ten-Hit. As berühmter Jazzklarinettist weer he bit in dat hooch Öller in all Welt ünnerwegens. 2001 wurr he mit dem Order of the British Empire uttekent.
An‘n 10. November 2011 is he mit sien Band tosommen mit sien legendären Jazz-Kollegen Chris Barber un Kenny Ball in en Afscheedsvörstellung in dat Berliner Tempodrom uptreden. Ok 2012 weer he mit Chris Barber in Düütschland up Tour.
Acker Bilk, de sien letzt Konzert in‘n August 2013 geev, is in’n November 2014 an en Krebslieden in en Krankenhuus in de südwestengelsch Stadt Bath storven.[2]
Diskographisch Henwiesen[ännern | Bornkood ännern]
- Mr Acker Bilk and his Paramount Jazzband (Lake, 1958/59)
- Mr Acker Bilk's Lansdowns Folio (Lake, 1960/61)
- The Traditional Jazz Scene (Teldec, 1959-63)
- Stranger on the Shore/A Taste of Honey (Redial, 1962-65)
- Acker & Cuff (Macjazz, 2004) mit Cuff Billett
Weblinks[ännern | Bornkood ännern]
Enkeld Nahwiesen[ännern | Bornkood ännern]
- ↑ Jazz legend Acker Bilk dies aged 85. Afropen an’n 2. November 2014 (engelsch).
- ↑ a b Klarinetten-Legende Acker Bilk gestorben. Meldung auf der Internetpräsenz von n-tv vom 3. November 2014, abgerufen am 3. November 2014.