(809) Lundia
| (809) Lundia | |
| Egenschoppen vun’n Orbit (Simulatschoon) | |
|---|---|
| Orbitklass | Hööftgördel |
| Grote Halfass | 2,283 AE |
| Perihel — Aphel | 1,845 — 2,721 AE |
| Bahnexzentrizität | 0,1918 |
| Bahnnegen gegen de Ekliptik | 7,145 ° |
| Ümlooptiet | 3,45 a |
| middlere Bahnsnelligkeit | 19,7 km/s |
| Physikaalsch Egenschoppen | |
| Dörmeter | 9,45 km |
| Masse | 4,86 · 1014 kg |
| Middlere Dicht | 2,5 ± 0,2 g/cm³ |
| Rotatschoonsduer | 15,414 h |
| Albedo | 0,379 |
| Historie | |
| opdeckt vun | Max Wolf |
| an’n | 11. August 1915 |
| in | Heidelbarg |
| Annere Beteken | A915 PF, 1936 VC |
(809) Lundia is en Asteroid ut den Hööftgördel, de an’n 11. August 1915 vun den düütschen Astronom Max Wolf in Heidelbarg opdeckt worrn is. Egentlich hannelt sik dat üm en Dubbelsystem, vunwegen dat (809) Lundia en Maand hett, de man blot ’n lütt beten lütter is. Nöömt is de Asteroid na de sweedsche Stadt Lund, woneem de Ole Steernwacht Lund steiht[1].
Egenschoppen
[ännern | Bornkood ännern]De Dörmeter as Enkeltkörper (effektiv System-Dörmeter) warrt opstunns op 9,6 km schätzt[2]. De middlere Dörmeter vun (809) Lundia sülvst warrt mit 6,9 km angeven. Dormit is he blots ~12 % grötter as sien Maand. Wo groot de Kumponenten nipp un nau sünd, warrt aver jümmer noch ünnersöcht. Man geiht dorvun ut, dat tomindst een vun de beiden en langtogen Form hett[3].
(809) Lundia tellt to de V-Tyyp-Asteroiden un hett dormit en teemlich helle Böverflach. De middlere Dicht is nich groot, wat dorop hendüüt, dat de Asteroid eher en Rubble Pile is as en fasten Körper.
Dubbelsystem
[ännern | Bornkood ännern]Dat de Asteroid noch en Maand hett, is an’n 18. September 2005 ut de Beobachten vun de Lichtkurv afleidt worrn. De Maand hett de vörlöpige Beteken S/2005 (809) 1 kregen. Mit en Dörmeter vun ruchweg 6,1 km is he blots ’n beten lütter as de Asteroid sülvst. Vör den Ümloop üm dat gemeensome Baryzentrum bruukt de Maand 0,64 Daag. Dorbi beweegt he sik binnen de Hill-Sphäär vun (809) Lundia in en Afstand vun üm un bi 16 km.
Kiek ok
[ännern | Bornkood ännern]Borns
[ännern | Bornkood ännern]- ↑ Dictionary of Minor Planet Names, Springer; afropen an’n 25. März 2019
- ↑ A new non-convex model of the binary asteroid (809) Lundia obtained with the SAGE modelling technique (Juli 2017) vun Przemyslaw Bartczak et al.; afropen an’n 22. September 2017
- ↑ (809) Lundia (Oktober 2005) vun Daniel W. E. Green; afropen an’n 22. September 2017