(216) Kleopatra
| (216) Kleopatra | |
| Egenschoppen vun’n Orbit (Simulatschoon) | |
|---|---|
| Orbitklass | Hööftgördel |
| Grote Halfass | 2,794 AE |
| Perihel — Aphel | 2,093 — 3,495 AE |
| Bahnexzentrizität | 0,2509 |
| Bahnnegen gegen de Ekliptik | 13,113 ° |
| Ümlooptiet | 4,67 a |
| middlere Bahnsnelligkeit | 17,5 km/s |
| Physikaalsch Egenschoppen | |
| Dörmeter | 276 x 94 x 78 km |
| Rotatschoonsduer | 5,385 h |
| Albedo | 0,116 |
| Historie | |
| opdeckt vun | J. Palisa |
| an’n | 10. April 1880 |
| in | Pula |
| Annere Beteken | A905 OA, A910 RA |
(216) Kleopatra is en Asteroid ut den Hööftgördel. He is an’n 10. April 1880 vun den öösterriekschen Astronom Johann Palisa in Pula opdeckt worrn is. Üm den Asteroid kreist twee Maanden, de de Naams Alexhelios un Cleoselene hebbt.
Nöömt is de Asteroid na Kleopatra VII., de letzte Köngigsche vun’t Olle Ägypten.
Egenschoppen[ännern | Bornkood ännern]
De Dörmeter is vundaag an’n besten op 121,55 km in’n Middel bestimmt. Man de Asteroid hett en snaaksche Form, de ’n beten as’n Knaken utsütt. Dat is en so nöömten „contact binary“. Sien Maten sünd ruchweg 219,04 × 93,64 × 83,76 km, so dat Kleopatra veel mehr as dubbelt so lang is as breed. Eerst seeg dat so ut, as bestünn de Asteroid ut twee meist gliek grote Deelen, later wies sik aver, dat de beiden Kumpunenten verbunnen sünd. Man, wenn de Asteroid noch gauer roteern de, weern sik de beiden Deelen woll opsplitten.
Wegen starke Reflekschonen vun Radiobülgen warrt annahmen, dat Kleopatra en differenzeerten Asteroid is mit en Karn ut Iesen un Nickel un en Mantel ut Silikatsteen, as ok en Krust ut Silikat.
Maanden[ännern | Bornkood ännern]
Na Maanden is bi (216) Kleopatra al 1993 söcht worrn, man ahn Spood. Mit Hülp vun de adaptive Optik sünd an de Keck-Steerwacht an’n 19. September 2008 denn aver twee Maanden funnen worrn[1]. De sünd den Februar dorop na de beiden Kinner vun Kleopatra un Marcus Antonius nömmt worrn, de Alexander Helios un Kleopatra Selene heten. De Maanden heet kort Alexhelios un Cleoselene[2].
De eerste hett en Dörmeter vun üm un bi 9 km. He kreist in en Afstand vun 678 km in 2,32 Daag eenmol üm Kleopatra. Cleoselene weer kreist noch dichter üm den Asteroid mit en Afstand vun 454 km un bruukt dorför 1,24 Daag. Disse Maand hett en Dörmeter vun ruchweg 7 km.
Kiek ok[ännern | Bornkood ännern]
Borns[ännern | Bornkood ännern]
- ↑ Space.com: Two Companions Found Near Dog-bone Asteroid
- ↑ MPC 73983 (PDF; 2,2 MB)