ʻAʻā-Lava

ʻAʻā-Lava is en taagfletige Basalt-Lava mit en teemlich hoge Viskosität, de wegen ehr Form na’t Verklamen ok as Brockenlava oder af un to ok Tackenlava nöömt warrt. De Naam ʻAʻā stammt ut de hawaiischen Spraak^[1] un weer vun Clarence Dutton in de geoloogsche Fackspraak inföhrt^[2]. He bedüüt so veel as füürig, steenig.

Wenn ʻAʻā-Lava verklaamt, brickt de Lavaköst in Schören un formt dorbi en Böverflach ut unregelmatige Brockens mit scharpe, tackige Kanten and Schollen. In’n Vergliek to de dünnfletige Pāhoehoe-Lava, de ok ut Basalt besteiht, hett de ʻAʻā-Lava en sietere Temperatur un ströömt langsomer. Faken is se ok in’n ünneren Deel vun dünnfletige Lavaströöm antofinnen, vunwegen dat se bi’t Afköhlen tager warrt. Dat Enn vun’n Stroom billt faken en piele Front ut.

Literatur

Clarence Edward Dutton: Hawaiian volcanoes. IN: U.S. Geological Survey annual report of the director, Vol. 4, 1882/83, Washington 1884, S. 81-219. WorldCat

Borns

↑ Hawaiian Dictionaries
↑ James Furman Kemp: A handbook of rocks for use without the microscope : with a glossary of the names of rocks and other lithological terms. 5. Oplaag, New York: D. Van Nostrand, 1918, S. 180, 240: C. E. Dutton, 4th Annual Report U.S. Geological Survey, 1883, S. 95; Bulletin of the Geological Society of America, Volume 25 / Geological Society of America. 1914, S. 639

Weblenken

ʻAʻā-Lava. Mehr Biller, Videos oder Audiodateien to’t Thema gifft dat bi Wikimedia Commons.

[1] Hawaiian Dictionaries

[2] James Furman Kemp: A handbook of rocks for use without the microscope : with a glossary of the names of rocks and other lithological terms. 5. Oplaag, New York: D. Van Nostrand, 1918, S. 180, 240: C. E. Dutton, 4th Annual Report U.S. Geological Survey, 1883, S. 95; Bulletin of the Geological Society of America, Volume 25 / Geological Society of America. 1914, S. 639

[1]

[2]