Évariste-Vital Luminais
Évariste-Vital Luminais (* 13. Oktober 1821 in Nantes; † 15. Mai 1896 in Paris) weer en franzöösch Maler. Man kennt hüm vör allen för sien Biller, de de fröhe franzöösch Geschickte dorstellen un wurrd af un to as „Maler der Gallier“ betekent.[1][2]
Biografie[ännern | Bornkood ännern]
Luminais wurr in Nantes boren. Mit 18 Johren gung he nah Paris, um bi den Maler un Bildhauer Auguste-Hyacinthe Debay to studeeren. He hett aber ok bi Léon Cogniet studeert, en Historien- un Porträtmaler, to de sien Schöler ok Constant Troyon hören dee.[1][3]
Sien offizielles Debüt geev he 1843 in‘n Salon de Paris[1], wo twee vun sien Gemälde utstellt wurrn. He hett Medaillen in den Salons vun 1852, 1855, 1857, 1861 un 1889 wunnen. 1869 wur he mit den Orden vun de Ehrenlegion uttekent.[1] He wunn de Goldmedaille up de Weltutstellung 1889 un weer Grünnensliddmaat vun de Société des Artistes Français. Mehr as veertig Johr deel he sien Tiet tüüschen sien Pariser Atelier an den Boulevard Lannes 17 un sien Sömmerhuus in dat Dörp Douadic in de Landschap Brenne up. To sien Schölern hörrn Albert Maignan un Emily Sartain; he weer een vun de wenig Akademiemaler, de Fruen ünnerrichten dee.
Luminais hett tweemal heiraadt. Vun sien eerste Fru, Anne Foiret, harr he een Dochter, Esther. Nah den Dood vun Anne in dat Johr 1874 hhett he 1876 een vun sien Schölerinnen, Hélène de Sahuguet d'Amarzit d'Espagnac, heiraadt, de siet den Krieg vun 1870 Wittfru weer.
Évariste-Vital Luminais is in dat Öller vun 75 Johren in Paris storven un wurr up den lütten Karkhoff in Douadic bisett. Sien Gebortsstadt Nantes hett en Straat nah hüm nöömt.
Weblinks[ännern | Bornkood ännern]
Evariste-Vital Luminais. Mehr Biller, Videos oder Audiodateien to’t Thema gifft dat bi Wikimedia Commons.
Einkeld Nahwiesen[ännern | Bornkood ännern]
- ↑ a b c d Évariste Vital Luminais. Art Gallery NSW (engelsch)
- ↑ Evariste Vital Luminais. St. Johnsbury Athenæum (engelsch)
- ↑ Evariste-Vital Luminais. askART (engelsch)