Wikipedia:Uns Beste/Kriterien

Vun Wikipedia
Wesseln na: Navigatschoon, Söök

Vörslääg (vun Slomox), Regeln gellt noch nich:

Dat de Artikel de Wikipedia-Grundsätz vun neetral wesen un Korrektheit vun de Angaven to’n Bispeel inhollen mutt, versteiht sik vun sülvst.

  • De Artikel mutt en eersten Satz hebben, de kort un bünnig dat Thema defineert un/oder de wichtigsten Daten wiest.
  • De Artikel mutt vullstännig wesen un kene wichtigen Fakten apen laten.
  • De Artikel mutt mit Överschriften logisch gledert wesen.
  • De Artikel mutt Biller hebben (wenn dat vun de Saak her mööglich is).
  • De Artikel mutt korrekt un eenheitlich formateert un wikifizeert wesen.
  • De Artikel mutt korrekte Kategorien hebben.
  • Wenn dat för dissen Typ Artikel bestimmte Vörlagen gifft (Infoboxen, Navigatschoonsliesten etc.) mööt de vörhannen wesen un sowied logisch mööglich utfüllt wesen.
  • All Daten un Fakten, de nich sülvstverständlich sünd, mööt mit <ref>s belegt wesen.
  • De Spraak mutt good to verstahn wesen, mutt korrekt Plattdüütsch wesen, en eenheitliche Schrievwies un kene Tippfehlers hebben.
  • De Artikel mutt stabil wesen. Dat heet, dat dor nich mehr veel an rümännert warrt un warrn mutt un dat dat keen Edit Wars gifft.
  • De Artikel dröff nich to kort wesen un schall opminnst groff ene Bildschirmsied lang wesen. He dröff aver ok nich to deep in Details gahn, de unwichtig sünd oder beter in egene Artikels höört.