Wawau Adler

Vun Wikipedia
Wesseln na: Navigatschoon, Söök

Josef „Wawau“ Adler (* 25. Januar 1967 in Karlsruhe) is en düütschen Tater un Jazz- Gitarrenspeler. Siene Wuddeln hett he sunnerlich in den Taternjazz.

Leven un Wark[ännern | Bornkood ännern]

Adler stammt ut en Familie vun düütsche Sinti-Musikers. Mit negen Johren fung he an, Gitarr to spelen. Unner den Infloot vun Biréli Lagrène hett he sik dor mit 12 Johren mehr mit ut'neen sett un hett mit 13 Johren siene eersten Kunzerte geven. As he um un bi 20 Johre oold weer, hett he he sik mit allerhand nee Saken afgeven un sik ok mit Mainstream Jazz, Bebop un Jazzrock befaat. 1991 hett he sien eerst Album inspeelt un achterna is he en poor Mol in Westeuropa up Tournee gahn. 2003 hett he up dat Django Reinhardt Festival in Samois-sur-Seine een vun de groten Kunzerte geven. Vun 2007 af an is he ok in Noordamerika unnerwegens ween. Dor hett he toeerst up dat Django in June-Festival in Northampton (Massachusetts) en wichtige Rull speelt un is 2008 up Tour dör Kanada ween. Mit sien Trio, tohopen mit Rhythmusgitarr-Speler Holzmanno Winterstein un Akkordeon-Speler Marcel Loeffler hett he en Reeg vun Kunzerte bi dat Sleswig-Holsteen Musik Festival speelt. De dree harrn ok 2006 dat Album Back to the Roots. Vol. 2 upnahmen. Bovenhen hett he mit Diknu Schneeberger speelt.

Platen[ännern | Bornkood ännern]

  • With Body and Soul (1991, Bella Music)
  • Back To The Roots (2006, Satin Doll Productions)
  • Back To The Roots Vol. 2 (2007, Satin Doll Productions)
  • Songs for Guitar and Bass (2009 , mit Joel Locher; Minor Music)
  • Here’s to Django (2010, mit Joel Locher, Mano Guttenberger, Katarzyna Krzyminska; Minor Music)
  • Expressions (2013, Chaos)

Literatur[ännern | Bornkood ännern]

  • Alexander Schmitz Querköpfchen im stabilen Hoch: Wawau Adler Jazz Podium 5/2010: 14

Weblenken[ännern | Bornkood ännern]