Wangari Maathai
Wangari Muta Maathai (* 1. April 1940 in’ Nyeri District, in’ Afsnitt Tetu in dat Dörp Ihithe; † 25. September 2011 in Nairobi) weer en keniaansch Wetenschaplerin, Politikerin un siet 2002 stellvertredend Ministerin för Umweltschuul in Kenia.
1971 hett se as eerst Fru ut Kenia den Doktertitel an de Universität Nairobi makt. In dat sülvig Johr wurr se de eerste Perfessersche för Veterinäre Anatomie un later Dekanin vun hör Fakberiek an de Universität von Nairobi. 1977 hett se dat Upforstungsprojekt „Green Belt Movement“ (Grööngördel-Bewegen) in’t Leven roopen. In de Loop vun de Johren wurr dorut en panafrikaansch Bewegen, de intüschen in 13 Länner aktiv is, etwa 600 Boomscholen grünnd hett un bit 1993 to’n Schuul vör Erosion 30 Million Bööm nee plant hett. Upgrund vun disse Pionierrull kreeg se de Binaam „Mama Miti“ (Kisuaheli für „Moder vun de Bööm“). 2004 kreeg se för hör Arbeit den Fredensnobelpries.
Maathai weer Liddmaat in den Club of Rome. Se is an en Krebserkrankung storven.
Literatur [ännern]
- Stefan Ehlert: Wangari Maathai – die Mutter der Bäume. Herder Verlag, Freiburg 2004, ISBN 3-451-05580-5.
- Wangari Maathai: The Green Belt Movement: Sharing the Approach and the Experience. Lantern Books, New York 2003, ISBN 1-59056-040-X.
Weblenken [ännern]
- DNB-Katalog
- Persöönlich Websteed vun Wangari Maathai (engelsch)
- Biographie up de Sieden vun dat Nobelprieskomitees (engelsch)
- Right Livelihood Award: Wangari Maathai (Biographie) (engelsch)
- Webseite der Wangari Maathai-Foundation (engelsch)
