Waalhai

Vun Wikipedia
Wesseln na: Navigatschoon, Söök
Waalhai
Waalhai (Rhincodon typus)
Systematik
Ünnerklass: Elasmobranchii
Böverornen: Haien (Selachii)
Ornen: Orectolobiformes
Familie: Walhaien (Rhincodontidae)
Geslecht: Rhincodon
Wetenschoplich Naam
Rhincodon typus
Smith 1828

De Waalhai (Rhincodon typus) is de gröttste Hai un ok de gröttste Fisch op de Eer. De gröötste Hai, de bet hüüt fangen worrn is, weer 13,7 Meter lang. De swoorste hett 36.000 Kilogramm op de Waag brocht. Ok wenn he groot is, is he doch kene Gefohr. Waalhaien freet blot Plankton un annere lütte Veecher, de se ut dat Water rutfiltert.

De Waalhai is de eenzige Oort in dat Geslecht Rhincodon, de wedder dat eenzige Geslecht in de Familie vun de Waalhaien in de Ornen Orectolobiformes is.

De Waalhaien hebbt en griese, brune oder blage Klöör. De Buuk is dorbi heller un över den Rügg gaht helle Striepen un Placken. De Waalhaien hebbt twee Finnen op’n Rügg, Bost- un Oorsfinnen un fief Kemen. Dat grote Muul reckt över de ganze Breed vun de flache Snuut.

Levenswies[ännern | Bornkood ännern]

Waalhaien hebbt en Watertemperatur vun 21 bet 25 °C geern un leevt op de ganze Welt in temlich all de warmen, tropischen oder subtropischen Meren. In Regionen mit saisonale Planktonblöten oder wo koolt Water mit veel Plankton opstiggt kaamt se teemlich faken vör.

De Waalhaien suugt dat Water an un presst dat dör ehre Kemen, de en Filterapparat ut Gnurpelspangen hebbt. Op disse Gnurpelspangen sitt lütte Huuttähn, an de dat Plankton hingen blifft.

Lang weer nich seker, of de Waalhai Eier liggt oder siene Jungen lebennig op de Welt bringt. Eerst nadem Wetenschoplers 1995 vör Taiwan en drächtig Seken fungen un ünnersöcht hebbt, hebbt se rutfunnen, dat de Waalhai bet to 300 lebennige Junge op de Welt bringt.

Kiek ok bi[ännern | Bornkood ännern]